"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Aġġornament mill-Bulgarija dwar l-istat tal-konverġenza
Temenuzhka Petkova, il-ministru għall-finanzi tal-Bulgarija, attendiet il-laqgħa biex taġġorna lill-ministri dwar il-progress li sar mill-Bulgarija biex tissodisfa l-kriterji għall-adozzjoni tal-euro.
Prospett makroekonomiku u prospetti għaż-żona tal-euro
Il-Grupp tal-Euro ħa kont tal-prospetti makroekonomiċi u rrieżamina l-iżviluppi globali reċenti li qed jaffettwaw lill-euro u ż-żona tal-euro, abbażi ta' kontribut mill-Kummissjoni u l-Bank Ċentrali Ewropew.
Barra minn hekk, il-President Paschal Donohoe kkomunika mal-ministri dwar il-laqgħat internazzjonali li jmiss fl-Afrika t'Isfel.
Il-ministri ddiskutew l-abbozz tar-rakkomandazzjoni dwar il-politika ekonomika taż-żona tal-euro għall-2025, bil-ħsieb li jiġi approvat fil-laqgħa tal-Kunsill Affarijiet Ekonomiċi u Finanzjarji tat-18 ta' Frar 2025.
Fl-ambjent ekonomiku kumpless attwali, ir-rakkomandazzjoni għaż-żona tal-euro hija rilevanti daqs qatt qabel, b'mod partikolari fejn tikkonċerna l-kompetittività, ir-reżiljenza u l-istabbiltà makroekonomika u finanzjarja.
Paschal Donohoe, President tal-Grupp tal-Euro
Il-Grupp tal-Euro esplora wkoll kif tista' tkompli tiġi sfruttata r-rakkomandazzjoni għaż-żona tal-euro biex tissaħħaħ id-direzzjoni tal-politika u tiġi żgurata l-implimentazzjoni effettiva tagħha.
Programm ta' ħidma tal-Grupp tal-Euro sa Lulju 2025
Il-President tal-Grupp tal-Euro ppreżenta l-programm ta' ħidma tal-Grupp tal-Euro għall-ewwel nofs tas-sena u l-ministri approvawh.
F'dinja ta' interdipendenza ekonomika u bl-iżviluppi globali attwali, l-importanza tal-koordinazzjoni tagħna fiż-żona tal-euro, il-ħolqien ta' ftehimiet u t-twettiq tal-impenji komuni tagħna huma elementi ewlenin ta' dan il-programm ta' ħidma tal-Grupp tal-Euro.
Prijoritajiet politiċi tal-Gvern Irlandiż u ta' dak Belġjan
Il-President Donohoe, bħala l-ministru l-ġdid għall-finanzi tal-Irlanda, u Vincent Van Peteghem, il-viċi prim ministru l-ġdid u l-ministru għall-baġit tal-Belġju, ippreżentaw il-prijoritajiet politiċi tal-gvernijiet tagħhom.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
