Vidjokonferenza tal-ministri għat-trasport, 28 ta' Settembru 2020

Il-Presidenza Ġermaniża għalqet il-laqgħa kmieni għal raġunijiet tekniċi.

Sabiex jiġu ffaċilitati diskussjonijiet addizzjonali bejn il-ministri għat-trasport tal-UE, il-presidenza ddeċidiet li tospita skambju informali permezz ta' vidjokonferenza mid-9:00 sal-11:00 fit-8 ta' Ottubru 2020.

Għal aktar dettalji, jekk jogħġbok ikkuntattja lil:
Is-Sur Tim Alexandrin
Ministeru Federali għat-Trasport u l-Infrastruttura Diġitali
+49 30 18300 713
[email protected]

Punti ewlenin fuq l-aġenda

Pjan ta' kontinġenza għall-COVID-19 għas-settur tat-trasport tal-merkanzija

Is-settur tat-trasport intlaqat ferm ħażin mit-tifqigħa tal-COVID-19. Is-sitwazzjoni epidemjoloġika u t-tnaqqis fir-ritmu tal-ekonomija bħala riżultat ta' lockdowns wasslu għal tnaqqis drastiku fid-domanda u s-servizzi tat-trasport madwar it-territorju tal-UE, b'konsegwenzi ekonomiċi għas-settur. Sa minn Marzu 2020, l-istati membri tal-UE kienu diġà qablu dwar il-ħtieġa li jkun hemm approċċ koordinat biex jappoġġa lis-settur.

Waqt il-vidjokonferenza, il-ministri tal-UE għat-trasport ser ikollhom dibattitu ta' orjentazzjoni biex jiddiskutu pjan ta' kontinġenza għall-pandemija għas-settur tat-trasport tal-merkanzija Ewropew. L-għan tad-diskussjoni huwa li tipprovdi impetu għal passi ulterjuri biex titjieb it-tħejjija tas-settur għal pandemiji futuri.

Taħt "affarijiet oħra", il-Kummissjoni ser tinforma lill-ministri dwar il-proposta emendata tagħha għall-Ajru Uniku Ewropew.

• L-Ajru Uniku Ewropew: għal ġestjoni tat-traffiku tal-ajru aktar sostenibbli u reżiljenti (Kummissjoni Ewropea)