"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza tal-ministri għat-telekomunikazzjoni, 5 ta' Ġunju 2020
Riżultati ewlenin
Waqt it-tieni vidjokonferenza informali tagħhom, il-ministri tat-telekomunikazzjoni kellhom dibattitu ta' orjentazzjoni dwar il-prijoritajiet diġitali tal-UE fl-era ta' wara l-COVID-19.
Il-laqgħa kienet ippreseduta minn Oleg Butković, Ministru għall-Baħar, it-Trasport u l-Infrastruttura tal-Kroazja. Il-Kummissjoni kienet irrappreżentata mill-Kummissarju Thierry Breton.
Fid-diskussjoni, il-ministri ġew mistiedna jirriflettu dwar tliet mistoqsijiet imħejjija mill-presidenza:
x'inhuma t-tagħlimiet ewlenin miksuba mill-kriżi tal-COVID-19 fis-settur diġitali u l-aspetti prijoritarji tal-istrateġija diġitali?
kif nistgħu niżguraw il-kompetittività u s-sovranità diġitali tal-UE fuq skala dinjija?
kif nistgħu nagħtu prijorità u nżidu l-investimenti f'elementi li wrew li huma indispensabbli matul il-kriżi, jiġifieri l-konnettività, id-data u t-teknoloġiji diġitali, bħall-intelliġenza artifiċjali?
Parti kbira mill-ekonomija u s-soċjetà qalbet għal mezzi diġitali matul il-pandemija. Illum qbilna li ma għandniex inħallu din l-opportunità tgħaddi, iżda nagħmlu dawn il-kisbiet permanenti, permezz ta' aktar sforzi għad-diġitalizzazzjoni tan-negozji u s-servizzi pubbliċi kif ukoll is-sigurtà u l-kapaċità tan-networks tagħna.
Oleg Butković, Ministru għall-Baħar, it-Trasport u l-Infrastruttura tal-Kroazja
Taħt affarijiet oħra, il-presidenza infurmat lill-ministri dwar is-sitwazzjoni attwali tal-fajls leġislattivi attwali. Il-ħidma mwettqa fuq il-proposta għall-Privatezza elettronika taħt il-presidenza Kroata hija miġbura f'rapport ta' progress li l-presidenza ppreżentat lill-Kumitat tar-Rappreżentanti Permanenti (Coreper) fit-3 ta' Ġunju 2020.
Għar-regolament propost li jistabbilixxi ċ-Ċentru Ewropew ta' Kompetenza fil-qasam taċ-Ċibersigurtà u n-Network ta' Ċentri ta' Koordinazzjoni, fit-3 ta' Ġunju, il-Coreper qabel dwar mandat ġdid għal negozjati mal-Parlament Ewropew. Il-Presidenza ser tikkuntattja lin-negozjatur ewlieni tal-Parlament biex jesplora l-possibbiltà li jorganizza laqgħa tat-trilogu matul il-ġimgħat li fadal tal-presidenza Kroata.
Il-presidenza infurmat ukoll lill-ministri dwar l-aħħar żviluppi fl-attivitajiet mhux leġislattivi attwali. Fit-3 ta' Ġunju, il-Coreper ikkonferma l-qbil sħiħ dwar l-abbozz ta' konklużjonijiet tal-Kunsill dwar it-tiswir tal-futur diġitali tal-Ewropa u ddeċieda li juża proċedura bil-miktub għall-adozzjoni tagħhom mill-Kunsill. Din il-proċedura bil-miktub ser titnieda llum wara l-vidjokonferenza.
Il-presidenza ppreżentat ukoll is-sitwazzjoni attwali tal-implimentazzjoni tas-sett ta' għodod tal-UE għas-sigurtà tan-networks 5G.
Il-Kummissjoni pprovdiet aġġornament dwar l-iżvilupp ta' apps għat-traċċar u ta' twissija fil-kuntest tal-COVID-19. Il-ħidma tkompli biex tagħmel dawn l-apps interoperabbli bejn il-fruntieri.
Il-presidenza Ġermaniża li jmiss ippreżentat il-programm ta' ħidma tagħha fil-qasam tat-telekomunikazzjoni għat-tieni nofs tal-2020.
Dikjarazzjoni minn Oleg BUTKOVIĆ, Ministru għall-Baħar, it-Trasport u l-Infrastruttura tal-Kroazja, wara l-vidjokonferenza tal-Ministri tat-Telekomunikazzjoni, fil-5 ta' Ġunju 2020, f'Zagreb.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Parti kbira mill-ekonomija u s-soċjetà qalbet għal mezzi diġitali matul il-pandemija. Illum qbilna li ma għandniex inħallu din l-opportunità tgħaddi, iżda nagħmlu dawn il-kisbiet permanenti, permezz ta' aktar sforzi għad-diġitalizzazzjoni tan-negozji u s-servizzi pubbliċi kif ukoll is-sigurtà u l-kapaċità tan-networks tagħna.
