Trasport
Kif l-UE tagħmel it-trasport aktar nadif, aktar effiċjenti u kompetittiv, u tipproteġi lill-passiġġieri.
Il-moviment tal-persuni u l-oġġetti huwa ċentrali għall-ekonomija u l-prosperità tal-Ewropa.
Il-pajjiżi tal-UE jaħdmu flimkien biex jibnu sistema tat-trasport konnessa aħjar u aktar sostenibbli fl-UE, fejn jiġu żgurati s-sikurezza u d-drittijiet tal-passiġġieri.
Trasport aktar nadif
Id-dekarbonizzazzjoni tas-settur tat-trasport hija kruċjali biex jintlaħqu l-miri klimatiċi tal-UE skont il-Patt Ekoloġiku Ewropew.
Ir-regoli tal-UE għandhom l-għan li jagħmlu t-trasport aktar sostenibbli billi jistabbilixxu standards tal-emissjonijiet għall-vetturi tat-triq, jippromwovu fjuwils aktar ekoloġiċi u jappoġġaw mobbiltà aktar nadifa.
Sistema Ewropea tat-trasport kompetittiva
Konnessjonijiet aħjar madwar l-UE huma ċentrali għal settur tat-trasport aktar kompetittiv.
In-network trans-Ewropew tat-trasport huwa proġett ewlieni li jiżviluppa infrastruttura tat-trasport effiċjenti u ta' kwalità għolja mal-UE kollha.
L-għan tiegħu huwa li jgħaqqad aħjar il-pajjiżi filwaqt li jipprovdi aċċess aktar faċli għall-impjiegi u s-servizzi, u jiffaċilita l-kummerċ u t-tkabbir ekonomiku.
Sikurezza
L-UE għandha l-għan li tipprovdi l-ogħla standards ta' sikurezza u sigurtà fil-mezzi kollha tat-trasport.
Uħud mill-aktar miżuri reċenti tal-UE jinkludu regoli aktar stretti għat-trasport bit-triq u dak bil-baħar.
Drittijiet tal-passiġġieri
Il-liġi tal-UE tiżgura mhux biss id-dritt għan-nies li jivvjaġġaw liberament fis-27 pajjiż tal-UE, iżda wkoll li jiksbu kumpens f'każ ta' dewmien fil-vjaġġi u kanċellazzjonijiet.
Id-drittijiet tal-passiġġieri huma protetti fuq kull tip ta' vjaġġar – bl-ajru, bil-ferrovija, bil-vapur u bix-xarabank.
L-aħħar aħbarijiet
L-aħħar spjegazzjonijiet
L-aħħar reviżjoni: 28 ta' Lulju 2026