"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Vidjokonferenza tal-ministri għall-enerġija, 15/06/2020, 15 ta' Ġunju 2020
Riżultati ewlenin
Il-ministri ddiskutew l-innovazzjoni fis-settur tal-enerġija li għandha l-potenzjal li tagħti spinta lill-irkupru ekonomiku tal-Ewropa
Il-ministri għall-enerġija tal-UE qasmu l-fehmiet tagħhom dwar l-irkupru ekonomiku wara l-kriżi tal-Covid-19 u l-Patt Ekoloġiku Ewropew, b'enfasi fuq soluzzjonijiet innovattivi għall-enerġija.
Fid-diskussjoni, il-ministri ġew mistiedna jagħtu tagħrif dwar:
L-investimenti fit-teknoloġija tal-enerġija li l-ministri kienu qed jippjanaw sabiex jiżguraw il-kisba tal-miri għall-2030 u t-tranżizzjoni tal-enerġija, jiġifieri fis-sentejn li ġejjin u fil-kuntest tal-irkupru;
L-isfidi li l-ministri qed jistennew matul l-irkupru b'mod ġenerali, u b'mod partikolari waqt li jużaw l-istrumenti tal-pakkett għall-irkupru biex jappoġġaw investimenti u innovazzjoni fl-enerġija.
Il-kriżi tal-COVID uriet kemm l-innovazzjoni tista' tidħol malajr fil-ħajja ta' kuljum tagħna, jekk ikun hemm ħtieġa ċara. Nemmen li fis-settur tal-enerġija s-soluzzjonijiet teknoloġiċi innovattivi disponibbli fl-enerġija rinnovabbli, fil-ħżin tal-enerġija, fil-bini intelliġenti jew l-elettromobbiltà jistgħu jagħmlu qabża mgħaġġla simili u jdawru r-rota tal-ekonomiji tagħna filwaqt li jappoġġaw lin-negozji lokali.
Tomislav Ćorić, Ministru għall-Ambjent u l-Enerġija tal-Kroazja
Il-ministri qablu li t-teknoloġiji innovattivi tal-enerġija, bħall-grilji intelliġenti, l-idroġenu (b'mod partikolari minn sorsi rinnovabbli) enerġija rinnovabbli fuq il-baħar kif ukoll fuq l-art, ser ikunu ta' importanza kbira għall-ħolqien tax-xogħol, il-kompetittività u d-dekarbonizzazzjoni tal-Ewropa. L-investimenti fir-rinnovazzjoni tal-bini ser ikollhom rwol ewlieni għall-irkupru ekonomiku aktar ġenerali. F'dan il-kuntest il-ministri esprimew li kienu qed jistennew bil-ħerqa l-istrateġija tal-Kummissjoni għall-mewġa ta' rinnovazzjoni.
Fir-rigward tat-teknoloġiji għall-integrazzjoni tas-setturi intelliġenti, speċjalment l-idroġenu, għadd ta' ministri ssottolinjaw l-importanza tagħhom u saħqu li kienu qed jistennew bil-ħerqa l-istrateġija tal-Kummissjoni għall-integrazzjoni tas-setturi intelliġenti u dik għall-idroġenu.
Għadd ta' ministri semmew li biċċa kbira mill-ħtiġijiet addizzjonali ta’ investiment relatati mal-enerġija, il-klima u t-trasport diġà kienu stabbiliti fil-pjanijiet nazzjonali għall-enerġija u l-klima (NECPs) tal-istati membri. Issuġġerew li xi wħud minn dawn l-investimenti marbutin mal-enerġija jkunu jistgħu jinbdew minn qabel, u b’hekk jikkontribwixxu għall-irkupru ekonomiku.
Prijorità speċifika għall-Presidenza Kroata kienet it-tisħiħ tal-appoġġ għal gżejjer ta’ enerġija nadifa. Il-Ministru Ćorić uża l-opportunità biex jirringrazzja lill-ministri għall-kontributi tagħhom li saru matul l-aħħar xhur waqt il-proċess tal-ħolqien tal-Memorandum ta’ Split.
Taħt affarijiet oħra, il-Kummissjoni Ewropea aġġornat lill-ministri dwar is-sitwazzjoni preżenti b'rabta mal-pjanijiet nazzjonali għall-enerġija u l-klima u dwar il-programm ta’ ħidma rivedut tal-Kummissjoni. Id-delegazzjoni Litwana għarrfet lill-ministri dwar l-implimentazzjoni tar-rakkomandazzjonijiet dwar is-sikurezza nukleari deskritti fir-rapport tal-UE dwar l-evalwazzjoni bejn il-pari tas-simulazzjonijiet ta' kriżi tal-impjant tal-enerġija nukleari tal-Belarussja.
Fl-aħħar nett, il-presidenza Ġermaniża li jmiss ippreżentat il-programm ta' ħidma tagħha fil-qasam tal-enerġija għat-tieni nofs tal-2020.
Il-laqgħa ġiet ippreseduta minn Tomislav Ćorić, Ministru għall-Ambjent u l-Enerġija tal-Kroazja. Il-Kummissjoni ġiet irrappreżentata mill-Kummissarju Kadri Simson.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-kriżi tal-COVID uriet kemm l-innovazzjoni tista' tidħol malajr fil-ħajja ta' kuljum tagħna, jekk ikun hemm ħtieġa ċara. Nemmen li fis-settur tal-enerġija s-soluzzjonijiet teknoloġiċi innovattivi disponibbli fl-enerġija rinnovabbli, fil-ħżin tal-enerġija, fil-bini intelliġenti jew l-elettromobbiltà jistgħu jagħmlu qabża mgħaġġla simili u jdawru r-rota tal-ekonomiji tagħna filwaqt li jappoġġaw lin-negozji lokali.
