L-aċċess għall-web u għall-apps: l-istati membri japprovaw regoli li jkopru l-UE kollha

Fil-25 ta’ Mejju 2016, il-Kumitat tar-Rappreżentanti Permanenti (Coreper) ikkonferma l-qbil milħuq mal-Parlament Ewropew dwar l-ewwel regoli sabiex siti web u applikazzjonijiet mobbli (apps) tas-settur pubbliku jsiru aktar aċċessibbli fl-UE kollha.

L-abbozz tad-direttiva jirrikjedi li l-UE tiżgura li s-siti web u l-apps mobbli tal-korpi tas-settur pubbliku jissodisfaw l-istandards komuni Ewropej tal-aċċessibbiltà. Barra minn hekk, il-pubbliku ser ikun jista’ jitlob informazzjoni speċifika jekk il-kontenut ma jkunx aċċessibbli.

Ir-rekwiżiti l-ġodda ser jagħmlu l-kontenut aktar aċċessibbli u aktar faċli li jintuża minn kulħadd, u ser ikun ta' benefiċċju b’mod speċjali għall-persuni b’diżabilità jew b’limitazzjonijiet minħabba l-età.

Xi jmiss?

Ladarba t‑test miftiehem jgħaddi mill-finalizzazzjoni legali‑lingwistika, jeħtieġ jiġi approvat formalment l-ewwel mill‑Kunsill u mbagħad mill‑Parlament. Il-proċedura mistennija titlesta fil-ħarifa.

Għal aktar tagħrif, nistednuk tara l-istqarrija tagħna għall-istampa tat-3 ta’ Mejju 2016 (il-link ta’ hawn taħt).

• Draft directive on the accessibility of public sector bodies' websites - text subject to revision
• Siti elettroniċi aktar aċċessibbli madwar l-Ewropa: ftehim mal-Parlament Ewropew (stqarrija għall-istampa tat-3 ta' Mejju)