An Treoir maidir le hastaíochtaí tionsclaíocha: figiúirí tábhachtacha
Rialaíonn an tAontas na hastaíochtaí a chuirtear isteach san aer agus san uisce trí ghníomhaíochtaí tionsclaíocha agus é mar aidhm aige truailliú a laghdú.
Is é an treoir maidir le hastaíochtaí tionsclaíocha an príomhphíosa reachtaíochta ar leibhéal an Aontais lena dtugtar aghaidh ar thruailliú tionsclaíoch. Cumhdaítear léi mórghléasraí tionsclaíocha agus beostoic i dtíortha an Aontais.
Tá athbhreithniú á dhéanamh ag an gComhairle ar an treoir, de réir an ghnáthnós imeachta reachtaigh. Tagraíonn na sonraí thíos do na rialacha atá i bhfeidhm faoi láthair.
An Treoir maidir le hastaíochtaí tionsclaíocha: figiúirí tábhachtacha
Leis an treoir reatha, rialaítear:
- 30 000 gléasra mór tionsclaíoch
- 20 000 dianfheirm bheostoic
Earnálacha:
- 39% Diantógáil éanlaith chlóis nó muc
- 20% Tionscail dramhaíola
- 10% Táirgeadh agus próiseáil miotal
- 9% Tionscail na gceimiceán
- 7% Seamlais, táirgí bia agus bainne
- 5% Tionscail fuinnimh
- 4% Tionscail na mianraí
- 2% Cóireáil dhromchla
- 2% Laíon, páipéar nó táirgí de bhunús adhmaid
- 2% Gníomhaíochtaí eile
Gineann na suiteálacha agus na feirmeacha a chumhdaítear le rialacha an Aontais:
- 20% den mhéid iomlán astaíochtaí san uisce agus san aer san Aontas
- 40% de na hastaíochtaí uile gás ceaptha teasa
Truailleáin aeir agus uisce a chumhdaítear le rialacha an Aontais maidir le hastaíochtaí tionsclaíocha
Leis an treoir maidir le hastaíochtaí tionsclaíocha, leagtar síos tairsí bliantúla astaíochta i leith +90 truailleán.
Roinnt eiseamláirí:
- Dé-ocsaíd-charbóin CO2: cuireann sí leis an athrú aeráide
- Meatán CH4: cuireann sé leis an athrú aeráide agus le cruthú ózóin ar leibhéal na talún
- Dé-ocsaíd nítrigine NO2: d’fhéadfadh sí éagothroime chomhshaoil a chruthú agus bíonn tionchar aici ar shláinte an duine
- Dé-ocsaíd sulfair SO2: d’fhéadfadh sí díobháil a dhéanamh do dhaoine íogaire agus cur leis an mbáisteach aigéadach in éiceachórais uisceacha
- Ábhar cáithníneach PM10: dʼfhéadfadh sé a bheith ina chúis le bás anabaí agus cuireann sé leis an athrú aeráide
- Mearcair Hg: a d'fhéadfadh a bheith ina charcanaigin
- Amóinia NH3: tá sí an-tocsaineach d’orgánaigh uisceacha agus cuireann sí le cruthú ábhair cháithnínigh
Foinse: An Coimisiún Eorpach, Tairseach Eorpach na nAstaíochtaí Tionsclaíocha
An t-athbhreithniú deireanach: an 1 Lúnasa 2025