An Chomhairle um Fhostaíocht, Beartas Sóisialta, Sláinte agus Gnóthaí Tomhaltóirí, 05/10/2015, 5 Deireadh Fómhair 2015

De réir mar a éiríonn linn teacht as an ngéarchéim, is gá go gcoimeádfar saincheisteanna sóisialta agus fostaíochta i gcroílár ár mbeartas, agus dá dhroim sin is gá an rialachas sóisialta a neartú. I dTuarascáil na gCúig Uachtarán moltar roinnt tograí is gá a phlé sa Chomhairle. ” Is mar sin a labhair Nicolas Schmit, An tAire Saothair, Fostaíochta agus Geilleagair Shóisialta agus Dlúthpháirtíochta, Lucsamburg

Na príomhthorthaí 

Phléigh an Chomhairle an chaoi ina bhféadfar an ghné shóisialta a neartú i rialachas an Aontais. Thacaigh sí le príomhtheachtaireachtaí na tuarascála faoi athchóirithe ar an mbeartas sóisialta ina gcaitear súil ar na saincheisteanna a bhaineann le cuimsiú sóisialta, pinsin, cúram sláinte agus cúram fadtéarmach. Dhearbhaigh Nicolas Schmit, Uachtarán na Comhairle, An tAire Saothair, Fostaíochta agus Geilleagair Shóisialta agus Dlúthpháirtíochta, Lucsamburg, mar a leanas: “De réir mar a éiríonn linn teacht as an ngéarchéim, is gá go gcoimeádfar saincheisteanna sóisialta agus fostaíochta i gcroílár ár mbeartas, agus dá dhroim sin is gá an rialachas sóisialta a neartú. I dTuarascáil na gCúig Uachtarán moltar roinnt tograí is gá a phlé sa Chomhairle. ” 

Dhearbhaigh Romain Schneider, an tAire Slándála Sóisialta, Lucsamburg, mar a leanas: “Bainfidh an Uachtaránacht earraíocht as an bplé a rinneadh i bhfoirmíochtaí ábhartha na Comhairle agus a comhlachtaí ullmhúcháin agus tabharfaidh sí tuarascáil i scríbhinn don Uachtarán Tusk roimh chruinniú na Comhairle Eorpaí i mí Dheireadh Fómhair.” 

Phléigh an Chomhairle moltaí an Choimisiúin faoin gcaoi ina bhféadfar daoine atá dífhostaithe go fadtéarmach a lánpháirtiú i margadh an tsaothair. Thagair na hAirí do na príomhdhúshláin agus thrácht siad ar a dtaithí féin ar an leibhéal náisiúnta agus an dífhostaíocht fhadtéarmach á comhrac acu. 

Thacaigh an Chomhairle le príomhtheachtaireachtaí na tuarascála 'Ioncam leordhóthanach scoir i gcomhthéacs sochaí atá ag dul in aois' agus conclúidí á nglacadh. 

Ghlac sí conclúidí maidir leis an gClár Oibre nua maidir le Sláinte agus Sábháilteacht ag an Obair agus é mar aidhm leo taobhú le coinníollacha oibre níos fearr. 

Ar deireadh, thacaigh an Chomhairle lena seasamh caibidlíochta maidir le dhá dhréacht-Rialachán atá dírithe ar a áirithiú go mbeidh feistí leighis agus feistí leighis diagnóiseacha in vitro sábháilte agus ar ardchaighdeán. Leis sin, beidh ar chumas Uachtaránacht Lucsamburg dul i mbun cainteanna le Parlaimint na hEorpa d’fhonn teacht ar chomhaontú a luaithe is féidir. 

• Athchóirú ar rialacha AE maidir le feistí leighis in vitro

• Toradh an chruinnithe