Kunsill Impjiegi, Politika Soċjali, Saħħa u Affarijiet tal-Konsumatur, 05/10/2015, 5 ta' Ottubru 2015

Hekk kif noħorġu mill-kriżi, jeħtieġ li l-kwistjonijiet soċjali u l-impjieg ikunu fil-qalba tal-politiki tagħna, b'hekk hemm il-ħtieġa li tissaħħaħ il-governanza soċjali. Ir-rapport tal-ħames presidenti iressaq għadd ta’ proposti li jeħtieġ li jiġu diskussi fil-Kunsill. ” Nicolas Schmit, il-ministru tal-Lussemburgu għall-Impjiegi u l-Ekonomija Soċjali u ta’ Solidarjetà

Riżultati ewlenin 

Il-Kunsill iddiskuta kif tista’ tiġi approfondita d-dimensjoni soċjali fil-governanza tal-UE. Huwa approva l-messaġġi ewlenin tar-rapport dwar ir-riformi tal-politika soċjali li jħarsu lejn il-kwistjonijiet ta’ inklużjoni soċjali, pensjonijiet, kura tas-saħħa u kura fit-tul. Il-President tal-Kunsill, is-Sur Nicolas Schmit, il-ministru tal-Lussemburgu għall-Impjiegi u l-Ekonomija Soċjali u ta’ Solidarjetà ddikjara li "Hekk kif noħorġu mill-kriżi, il-kwistjonijiet soċjali u l-impjieg jeħtieġ li jkunu fil-qalba tal-politiki tagħna, b'hekk hemm il-ħtieġa li tissaħħaħ il-governanza soċjali. Ir-rapport tal-ħames presidenti iressaq għadd ta’ proposti li jeħtieġ li jiġu diskussi fil-Kunsill. ” 

Is-Sur Romain Schneider, il-ministru tal-Lussemburgu għas-Sigurtà Soċjali ddikjara li “l-Presidenza ser tibni fuq id-diskussjonijiet tal-konfigurazzjonijiet rilevanti tal-Kunsill u l-korpi preparatorji tagħhom u tirrapporta lura bil-miktub lill-President Tusk qabel il-laqgħa tal-Kunsill Ewropew ta’ Ottubru.” 

Il-Kunsill iddiskuta r-rakkomandazzjonijiet mill-Kummissjoni dwar kif persuni li ilhom qiegħda għal żmien twil jiġu integrati fis-suq tax-xogħol. Il-ministri semmew l-isfidi ewlenin u qasmu l-esperjenzi fuq il-livell nazzjonali fil-ġlieda kontra l-qgħad fit-tul. 

Il-Kunsill approva l-messaġġi ewlenin tar-rapport 'Dħul adegwat wara li wieħed jirtita fil-kuntest ta’ soċjetajiet li qed jixjieħu' u adotta konklużjonijiet 

Huwa adotta konklużjonijiet dwar l-aġenda l-ġdida għas-saħħa u s-sigurtà fuq il-post tax-xogħol li għandhom l-għan li jħeġġu kundizzjonijiet tax-xogħol aħjar 

Fl-aħħar nett, il-Kunsill approva l-pożizzjoni ta’ negozjar tiegħu dwar żewġ abbozzi ta’ regolament li għandhom l-għan li jiżguraw li l-apparat mediku u l-apparat mediku dijanjostiku in vitro jkunu sikuri u ta’ kwalità għolja. Dan jippermetti lill-presidenza Lussemburgiża tibda taħditiet mal-Parlament Ewropew bil-ħsieb li jintlaħaq qbil mill-aktar fis possibbli. 

• Riforma tar-regoli tal-UE għal apparat mediku u in vitro

• Riżultat tal-laqgħa