"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Misean an Chiste Airgeadaíochta Idirnáisiúnta (CAI) go dtí an limistéar euro
Eagraíonn an Ciste Airgeadaíochta Idirnáisiúnta (CAI) comhairliúchán bliantúil maidir le beartais an limistéir euro. Thíolaic CAI príomhthorthaí a mhisin eatramhaigh faoi Airteagal V go dtí an limistéar euro d'airí airgeadais an limistéir euro.
Cé go bhfuil moilliú tagtha ar gheilleagar an limistéir euro faoi láthair, tá sé ag fás i gcónaí – agus fad na tréimhse fáis seo agus líon na bpost a cruthaíodh ag sárú gach a ndearnadh cheana.
Mário Centeno, Uachtarán an Ghrúpa Euro
An Phortaingéil: dréachtphlean buiséadach nuashonraithe
Phléigh an Grúpa Euro dréachtphlean buiséadach nuashonraithe na Portaingéile do 2020, bunaithe ar thuairim ón gCoimisiún, agus ghlac sé ráiteas.
Tá dul chun cinn suntasach déanta ag an bPortaingéil le blianta beaga anuas. Beidh barrachas fioscach ag an tír in 2020 – dul chun cinn iontach le hais aimsir na géarchéime.
Mário Centeno, Uachtarán an Ghrúpa Euro
Chuir an Coimisiún togra le haghaidh dréachtmholadh maidir le beartas eacnamaíoch an limistéir euro do 2020 i láthair.
Mar chuid den Seimeastar Eorpach, san earrach, tugann an Chomhairle aghaidh ar mholtaí bliantúla maidir le beartais eacnamaíocha don limistéar euro. Maidir leis na moltaí sin:
pléifear sa Ghrúpa Euro iad
formheasfaidh an Chomhairle Gnóthaí Eacnamaíocha agus Airgeadais iad (Ecofin)
glacfaidh an Chomhairle iad go foirmiúil tar éis do Chomhairle Eorpach mhí an Mhárta iad a fhormhuiniú
Tosaíochtaí beartais rialtais nua na Spáinne, na hOstaire agus na Fionlainne
Thug an tAire Calviño, an tAire Blümel agus an tAire Kulmuni cur i láthair maidir le tosaíochtaí beartais rialtais nua na Spáinne, na hOstaire agus na Fionlainne. Gnáthchleachtas den Ghrúpa Euro is ea é sin nuair a thagann rialtais nua i mbun oifige.
Formáid chuimsitheach
An tAontas Eacnamaíoch agus Airgeadaíochta (AEA) a dhoimhniú
Bhí malartú tuairimí ag na hairí maidir le heagrú na hoibre breise ar dhoimhniú an aontais eacnamaíoch agus airgeadaíochta sna míonna amach romhainn, mar obair leantach ar Chruinniú Mullaigh an 13 Nollaig 2019.
Ag an gCruinniú Mullaigh, chomhaontaigh na ceannairí gur cheart do na hairí airgeadais leanúint den obair ar an Aontas Eacnamaíoch agus Airgeadaíochta (AEA) a dhoimhniú. Go háirithe:
athchóirithe ar an Sásra Cobhsaíochta Eorpach (SCE)
réitigh maidir leis an Ionstraim Bhuiséadach um Chóineasú agus um Iomaíochas (BICC) a mhaoiniú
bealach chun cinn i dtaca leis an aontas baincéireachta
Tá dóchas agam go ndéanfaimid dul chun cinn níos tapúla san athchóiriú ar an limistéar euro sa seimeastar seo.
Mário Centeno, Uachtarán an Ghrúpa Euro
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Cé go bhfuil moilliú tagtha ar gheilleagar an limistéir euro faoi láthair, tá sé ag fás i gcónaí – agus fad na tréimhse fáis seo agus líon na bpost a cruthaíodh ag sárú gach a ndearnadh cheana.
