"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Cheap an Grúpa Euro Tuomas Saarenheimo mar Uachtarán ar Mheitheal an Ghrúpa Euro (MGE).
Rachaidh sé i mbun oifige ar an 1 Aibreán 2020 agus beidh téarma dhá bhliain aige. Tiocfaidh sé i gcomharbas ar Hans Vijlbrief a raibh an post sin aige idir Feabhra 2018 agus Eanáir 2020.
Cuir i láthair ón gCoimisiún: Tosaíochtaí AEA agus an t-athbhreithniú Sé-Phaca agus Dé-Phaca – saincheisteanna a bhaineann leis an limistéar euro
Thíolaic an Coimisiún a thosaíochtaí maidir leis an Aontas Eacnamaíoch agus Airgeadaíochta (AEA), chomh maith le príomhphointí a theachtaireachta faoin athbhreithniú ar an rialachas eacnamaíoch, ag díriú ar na gnéithe sin atá ábhartha don limistéar euro.
Tá roinnt gnéithe de rialachas eacnamaíoch an Aontais nach bhfuil infheidhme ach sa limistéar euro, go háirithe na hathchóirithe "2-phaca", mar a thugtar orthu, a tugadh isteach in 2013 d'fhonn creat a bhunú chun déileáil leis na Ballstáit a bhfuil deacrachtaí acu ó thaobh cobhsaíocht airgeadais de agus chun comhordú buiséadach a neartú.
Cé nach bhfuil sé ar intinn ár gcreat rialachais a ollchóiriú, tá tacaíocht ann freisin chun ár rialacha fioscacha a shimpliú, chun comh-thimthriallacht a chosc agus chun a mheas conas is féidir leis na rialacha sin cabhrú linn dul i ngleic le dúshláin nua bheartais an Aontais.
Uachtarán an Ghrúpa Euro, Mário Centeno
Plé téamach ar fhás agus ar phoist: ding chánach ar shaothar
Mar chuid den phlé téamach maidir le fás agus poist, leanfaidh an Grúpa Euro de thuairimí a mhalartú faoin ding chánach a ghearrtar ar shaothar. Díreoidh an plé sin go háirithe ar an aistriú ó chánachas saothair go cánachas comhshaoil.
Beidh nóta teicniúil ón gCoimisiún agus cur i láthair ón Ollamh Ottmar Edenhofer, Stiúrthóir Institiúid Taighde Mercator um Acmhainní Uilechoiteanna Domhanda agus Athrú Aeráide (MCC) agus Institiúid Taighde Potsdam um Thionchar an Athraithe Aeráide (PIK), mar bhonn eolais ag an díospóireacht.
Thíolaic an Coimisiún Eorpach agus an Banc Ceannais Eorpach (BCE) príomhthorthaí an 12ú misean faireachais iarchláir in Éirinn a cuireadh i gcrích idir an 19-21 Samhain.
Chuir an Sásra Cobhsaíochta Eorpach (SCE) na hairí ar an eolas faoina chóras réamhrabhaidh. Chuir an Ciste Airgeadaíochta Idirnáisiúnta (CAI) an Grúpa Euro ar an eolas freisin faoina chuairt foirne ar Éirinn.
An staid eacnamaíoch sa limistéar euro - réamhaisnéis gheimhridh an Choimisiúin
Bhí malartú tuairimí ag na hairí faoi staid eacnamaíoch an limistéir euro ar bhonn na réamhaisnéise geimhridh ón gCoimisiún.
Tá plé rialta ar an staid eacnamaíoch agus ar dhúshláin na mbeartas eacnamaíoch ina bhunchloch d'iarrachtaí an Ghrúpa Euro borradh a chur faoi fhás eacnamaíoch agus cruthú post.
Tá geilleagar an limistéir euro ag fás i gcónaí, cé gur ar ráta marbhánta atá sé ag tarlú. Cé go bhfuil roinnt de na rioscaí tar éis titim siar beagán, is cúis imní é ráig an choróinvíris le déanaí, agus beidh orainn dlúthfhaireachán a dhéanamh uirthi sin.
Uachtarán an Ghrúpa Euro, Mário Centeno
Phléigh an Grúpa Euro na dréachtmholtaí do 2020 a cuireadh faoi bhráid an limistéir euro, sula ndéanfar iad a fhormheas ag an gComhairle Gnóthaí Eacnamaíocha agus Airgeadais. Chomhaontaigh sé cúig thosaíocht do 2020:
athchóirithe struchtúracha
inbhuanaitheacht fhioscach agus infheistíocht phoiblí
margaí saothair agus cuimsiú sóisialta
cobhsaíocht airgeadais
AEA a dhoimhniú
Formáid chuimsitheach
Ionstraim bhuiséadach um chóineasú agus um iomaíochas: tuarascáil ar Chomhaontú Idir-Rialtasach (IGA) féideartha
Ghlac na hairí tuarascáil do cheannairí an Aontais, ina gcumhdaítear an gá atá le IGA, an t-ábhar, na rialacha mionsonraithe agus an méid a d'fhéadfadh a bheith ann le haghaidh na hionstraime buiséadaí um chóineasú agus um iomaíochas (BICC).
Ag an gcruinniú mullaigh Euro i mí na Nollag 2019, d'iarr ceannairí an Aontais ar an nGrúpa Euro ionchur a sholáthar go pras faoi na réitigh iomchuí ar mhaoiniú na hionstraime buiséadaí um chóineasú agus um iomaíochas (BICC) ar bhonn bileoige téarmaí mhí Dheireadh Fómhair 2019, chun go mbeifear in ann bailchríoch a chur uirthi i gcomhthéacs an chéad chreata airgeadais ilbhliantúil (CAI) eile.
Aontas Baincéireachta: tuairisciú ón Danmhairg agus ón tSualainn
D'eisigh an Danmhairg agus an tSualainn araon tuarascálacha le déanaí maidir leis na himpleachtaí a bheadh ann dá nglacfaí páirt san aontas baincéireachta. Cuirfidh na hAirí Nicolai Wammen agus Magdalena Andersson príomhphointí na dtuarascálacha sin i láthair.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Cé nach bhfuil sé ar intinn ár gcreat rialachais a ollchóiriú, tá tacaíocht ann freisin chun ár rialacha fioscacha a shimpliú, chun comh-thimthriallacht a chosc agus chun a mheas conas is féidir leis na rialacha sin cabhrú linn dul i ngleic le dúshláin nua bheartais an Aontais.
