An Chomhairle Gnóthaí Eachtracha, 26/10/2015, 26 Deireadh Fómhair 2015

Na príomhthorthaí

An Bhurúin

D’fhormheas an Chomhairle dréachtlitir ina n-iarrtar ar údaráis Bhurúin teacht chun comhairliúcháin i gcomhréir le Airteagal 96 de Chomhaontú Comhpháirtíochta AE-ACC (Comhaontú Cotonou). Leagtar amach san Airteagal sin an nós imeachta i gcásanna nach bhfuil gnéithe bunriachtanacha den Chomhaontú - eadhon, cearta an duine, na prionsabail dhaonlathacha agus an smacht reachta, á gcomhlíonadh. 

• An Bhurúin: Iarrann an tAontas Eorpach go gcuirfí tús leis an gcomhairliúchán dá bhforáiltear le hAirteagal 96 de Chomhaontú Cotonou

Is cuid thábhachtach de chur chuige cuimsitheach an Aontais Eorpaigh don imirce an comhar don fhorbairt. Seo é cruinniú deiridh na Comhairle Gnóthaí Eachtracha roimh chruinniú mullaigh Vaileite lenár gcuid comhpháirtithe ón Afraic, agus bhí plé cuimsitheach againn féachaint cén chaoi a bhféadfadh an comhar don fhorbairt cabhrú linn agus muid ag déileáil le teifigh, daoine easáitithe agus sreabha imirce i gcoitinne, agus muid eolach go bhfuil ár gcomhpháirtithe ón Afraic ar thús cadhnaíochta ó thaobh na ndúshlán seo atá againn araon” Sin a dúirt Federica Mogherini, Ardionadaí an Aontais do Ghnóthaí Eachtracha agus don Bheartas Slándála

Imirce, teifigh agus forbairt 

Bhí plé cuimsitheach ag na hAirí ar an imirce, féachaint cén chaoi a bhféadfadh an comhar don fhorbairt cabhrú chun aghaidh a thabhairt ar na dúshláin atá ag an Eoraip agus ag a cuid tíortha comhpháirtíochta. Chomhaontaigh siad go gcuirfí dlús leis an teagmháil agus an comhar, idir dhéthaobhach agus iltaobhach, le tríú tíortha i leith na himirce.  

"Is cuid thábhachtach de chur chuige cuimsitheach an Aontais Eorpaigh don imirce an comhar don fhorbairt", arsa an tArdionadaí. Seo é cruinniú deiridh na Comhairle Gnóthaí Eachtracha roimh chruinniú mullaigh Vaileite lenár gcuid comhpháirtithe ón Afraic, agus bhí plé cuimsitheach againn féachaint cén chaoi a bhféadfadh an comhar don fhorbairt cabhrú linn agus muid ag déileáil le teifigh, daoine easáitithe agus sreabha imirce i gcoitinne, agus muid eolach go bhfuil ár gcomhpháirtithe ón Afraic ar thús cadhnaíochta ó thaobh na ndúshlán seo atá againn araon”

• Teacht ar réitigh i ndáil leis an mbrú imirce (cúlra faisnéise)

Caidreamh idir an tAontas agus na tíortha ACC 

Bhí plé tosaigh ag na hAirí maidir lena bhfuil i ndán don chaidreamh idir an tAontas Eorpach agus tíortha na hAfraice, Mhuir Chairib agus an Aigéin Chiúin (ACC) i bhfianaise go bhfuil Comhaontú Cotonou le dul in éag in 2020. Fillfidh an Chomhairle ar an gceist sin ina cuid cruinnithe amach anseo, agus leanfaidh sí den phlé oscailte seo, ar bhonn an chomhairliúcháin faoina bhfuil i ndán don chomhpháirtíocht. 

• Public consultation - Towards a new partnership between the EU and the ACP countries after 2020

Gnóthaí Daonnúla

Dá mhéad é an maoiniú atá á chur ar fáil, is mó fós na riachtanais dhaonnúla atá ag teacht chun cinn, agus phléigh an Chomhairle gnóthaí daonnúla mar ullmhúchán don Chruinniú Mullaigh Domhanda maidir le Cúrsaí Daonnúla, a bheidh ar siúl in Iostanbúl an 23 agus an 24 Bealtaine 2016. Leag na hAirí an-bhéim ar a thábhachtaí atá sé go ndéanfaí prionsabail dhaonnúla na daonnachta, na neamhchlaontachta, na neodrachta agus an neamhspleáchais a chur chun cinn agus go gcomhlíonfaí an dlí idirnáisiúnta daonnúil sa chaoi go mbeadh teacht ar phobail leochaileacha agus ar mhaithe le sábháilteacht na n-oibrithe daonnúla.

 

• Remarks by High Representative Federica Mogherini and Commissioner Neven Mimica following the Development Council, Luxembourg

• Toradh chruinniú na Comhairle