Kunsill Affarijiet Barranin, 26/10/2015, 26 ta' Ottubru 2015

Riżultati ewlenin

Il-Burundi

Il-Kunsill approva abbozz ta’ ittra li tistieden lill-awtoritajiet tal-Burundi għal konsultazzjonijiet b’applikazzjoni tal-Artikolu 96 tal-Ftehim ta’ Sħubija UE-AKP (il-Ftehim ta’ Cotonou). Dan l-Artikolu jiddefinixxi l-proċedura f’każijiet fejn l-elementi essenzjali tal-Ftehim - jiġifieri d-drittijiet tal-bniedem, il-prinċipji demokratiċi u l-istat tad-dritt, mhumiex irrispettati. 

• Il-Burundi: L-UE titlob il-ftuħ ta’ konsultazzjonijiet skont l-Artikolu 96 tal-Ftehim ta’ Cotonou

Il-kooperazzjoni għall-iżvilupp hija element importanti tal-approċċ komprensiv tal-UE lejn il-migrazzjoni. F’din l-aħħar laqgħa tal-Kunsill affarijiet barranin qabel is-Summit tal-Belt Valletta mas-sħab tagħna Afrikani, kellna diskussjoni fil-fond dwar kif din tista’ tgħin biex nindirizzaw il-kwistjoni tar-refuġjati, il-persuni spostati, u b’mod aktar ġenerali l-flussi migratorji, filwaqt li nirrikonoxxu li s-sħab tagħna Afrikani nfushom jinsabu fuq quddiem nett għall-isfidi li qegħdin komunement niffaċċjaw. Federica Mogherini, Rappreżentant Għoli għall-Affarijiet Barranin u l-Politika ta' Sigurtà

Migrazzjoni, refuġjati, u żvilupp 

Il-ministri kellhom dibattitu fil-fond dwar il-migrazzjoni, fejn iffukaw fuq kif il-kooperazzjoni għall-iżvilupp tista’ tgħin biex jiġu indirizzati l-isfidi komuni li l-Ewropa u l-pajjiżi sħab tagħha qed jiffaċċjaw bħalissa. Huma qablu li jżidu l-livell ta’ involviment tal-UE u jsaħħu l-kooperazzjoni ma’ pajjiżi terzi dwar il-migrazzjoni kemm fil-livell bilaterali kif ukoll fil-livell multilaterali. 

Ir-Rappreżentant Għoli qalet "Il-kooperazzjoni għall-iżvilupp hija element importanti tal-approċċ komprensiv tal-UE lejn il-migrazzjoni. F’din l-aħħar laqgħa tal-Kunsill affarijiet barranin qabel is-Summit tal-Belt Valletta mas-sħab tagħna Afrikani, kellna diskussjoni fil-fond dwar kif din tista’ tgħin biex nindirizzaw il-kwistjoni tar-refuġjati, il-persuni spostati, u b’mod aktar ġenerali l-flussi migratorji, filwaqt li nirrikonoxxu li s-sħab tagħna Afrikani nfushom jinsabu fuq quddiem nett għall-isfidi li qegħdin komunement niffaċċjaw."

• It-tiftix ta’ soluzzjonijiet għal pressjonijiet migratorji (informazzjoni ġenerali)

Relazzjonijiet UE-AKP 

Il-Ministri kellhom l-ewwel skambju ta’ fehmiet dwar ir-relazzjonijiet futuri bejn l-UE u l-pajjiżi Afrikani, tal-Karibew u tal-Paċifiku (AKP) bil-ħsieb tal-iskadenza tal-Ftehim ta’ Cotonou fl-2020. Il-Kunsill ser jerġa’ lura għal din il-kwistjoni fil-laqgħat tiegħu li jmiss u ser ikompli jiddiskuti b’mod l-aktar miftuħ, abbażi tal-konsultazzjoni miftuħa dwar il-futur tas-sħubija. 

• Public consultation - Towards a new partnership between the EU and the ACP countries after 2020

Affarijiet umanitarji

Peress li ċ-ċifri tal-finanzjament li huma ogħla minn qatt qabel xorta mhux qed ikopru l-ħtiġijiet umanitarji li saħansitra huma akbar minn hekk, il-Kunsill iddiskuta kwistjonijiet umanitarji bi tħejjija għas-Summit Umanitarju Dinji, li ser isir f’Istanbul fit-23 u l-24 ta’ Mejju 2016. Il-Ministri enfasizzaw b’mod partikolari l-ħtieġa li jiġu affermati mill-ġdid il-prinċipji umanitarji tal-umanità, l-imparzjalità, in-newtralità u l-indipendenza, u l-importanza li tiġi żgurata l-konformità mad-dritt umanitarju internazzjonali sabiex jiġi żgurat l-aċċess għall-popolazzjonijiet vulnerabbli u s-sikurezza tal-ħaddiema umanitarji.

 

• Remarks by High Representative Federica Mogherini and Commissioner Neven Mimica following the Development Council, Luxembourg

• Eżitu tal-laqgħa tal-Kunsill