An Chomhairle Gnóthaí Eachtracha, 15/02/2016, 15 Feabhra 2016

Na príomhthorthaí

Is gá dúinn na gealltanais a rinneadh in München a urramú. Feictear dúinn go bhfuil bearna ann idir na gealltanais sin agus cúrsaí ar an láthair sa tSiria. Bhíomar uile ar aon intinn gur den riachtanas anois é saoránaigh ar an láthair, obair eagraíochtaí neamhrialtasacha agus seachadtaí cabhrach daonnúla a chosaint. Ní féidir glacadh leis an méid a tharla inniu in Médecins Sans Frontières. Sin a dúirt Federica Mogherini, Ardionadaí do Ghnóthaí Eachtracha agus don Bheartas Slándála

An tSiria 

Phléigh an Chomhairle an staid pholaitiúil, slándála agus dhaonnúil sa tSiria. Chuir na hAirí in iúl go láidir go dtacaíonn siad go hiomlán le Rún 2254 ó Chomhairle Slándála na Náisiún Aontaithe agus mhol siad go gcuirfeadh gach páirtí chun feidhme go hiomlán é. Cháin siad na hionsaithe atá á ndéanamh ar shaoránaigh agus leag siad béim ar an tábhacht a bhaineann le bearta cothaithe muiníne faoi stiúir na Náisiún Aontaithe, le rochtain dhaonnúil agus le sosanna comhraic a urramú.  

An Bhealarúis

Tháinig an Chomhairle ar chinneadh polaitiúil gan síneadh a chur leis na bearta sriantacha i gcás 170 duine aonair agus trí chuideachta a bhfuil a liostú ar fionraí faoi láthair. Mar sin féin, maidir leis an lánchosc arm ar an mBealarúis agus leis na bearta sriantacha a bhaineann leis an gceathrar daoine aonair a liostaítear i dtaca leis an mbeirt pholaiteoirí ón bhfreasúra, le fear gnó amháin agus le hiriseoir amháin a chuaigh ar iarraidh agus nár réitíodh na cásanna maidir leo, chomhaontaigh an Chomhairle go gcuirfear síneadh leo go ceann tréimhse dhá mhí dhéag.

• Conclúidí ón gComhairle maidir leis an mBealarúis

An Mholdóiv

Phléigh an Chomhairle an staid sa Mholdóiv. Ghlac sí conclúidí lena ndírítear ar na hathchóirithe is gá don Mholdóiv a dhéanamh i gcomhréir lena chomhaontú comhlachais chun ionchais na saoránach a shásamh.

• Conclúidí ón gComhairle maidir le Poblacht na Moldóive, 15 Feabhra 2016

An taidhleoireacht aeráide 

Leag an Chomhairle béim ar an ról atá ag an taidhleoireacht Eorpach aeráide i ndáil le spreagadh a dhéanamh ar chur chun feidhme an chomhaontaithe dhomhanda maidir leis an athrú aeráide ar ar thángthas i mí na Nollag 2015. Leag an Chomhairle amach na paraiméadair le haghaidh plean gníomhaíochta maidir leis an taidhleoireacht aeráide don bhliain 2016, ar plean é ina mbeidh teachtaireachtaí tábhachtacha lena ndírítear ar thrí cinn de phríomhshnáitheanna:

• Tacú leis an athrú aeráide i gcónaí mar thosaíocht straitéiseach san idirphlé taidhleoireachta, sa taidhleoireacht phoiblí agus in ionstraimí beartais sheachtraigh;
• Tacú le cur chun feidhme Chomhaontú Pháras agus leis na rannchuidithe beartaithe arna gcinneadh go náisiúnta i gcomhthéacs na forbartha ísealcharbóin atá seasmhach ó thaobh na haeráide de;
• Cur leis na hiarrachtaí aghaidh a thabhairt ar an nasc idir an t-athrú aeráide, acmhainní nádúrtha, rathúnas, cobhsaíocht agus an imirce.

• Conclúidí ón gComhairle maidir le taidhleoireacht i ndáil leis an aeráid
• Comhaontuithe idirnáisiúnta faoi ghníomhaíocht aeráide (faisnéis chúlra)