Smachtbhannaí

Úsáideann an tAontas smachtbhannaí chun an tsíocháin a chur chun cinn, chun tacú leis an daonlathas agus le cearta an duine, agus chun an dlí idirnáisiúnta a chosaint.

Ní bearta pionósacha iad smachtbhannaí agus ní dhíríonn siad ar thír ná ar dhaonra. Tá sé mar aidhm leo athrú a dhéanamh ar bheartas nó ar iompar iad siúd ar a bhfuil siad dírithe.

Colláis ar a bhfeictear rudaí ar léiriú de smachtbhannaí iad. Mar shampla ladrainn, bairille ola agus aeróg radair.

Míniú ar smachtbhannaí

Cad chuige na smachtbhannaí?

Is ionstraim de chuid an Aontais iad smachtbhannaí, a ceapadh chun freagairt ar dhúshláin agus ar fhorbairtí domhanda a théann i gcoinne chuspóirí agus luachanna an Aontais.

Cad is smachtbhannaí ann?

I measc na smachtbhannaí éagsúla, tá trádbhaic arm, toirmisc taistil, reo sócmhainní, toirmisc thrádála, srianta eacnamaíocha agus airgeadais, agus bearta taidhleoireachta.

Cé na cineálacha smachtbhannaí atá ann?

Féadfaidh an tAontas trí chineál smachtbhannaí a chur chun feidhme: Smachtbhannaí na Náisiún Aontaithe, smachtbhannaí an Aontais/na Náisiún Aontaithe agus smachtbhannaí uathrialacha an Aontais.

Cén chaoi a nglactar smachtbhannaí?

Glacann Comhairle an Aontais Eorpaigh cinntí agus rialacháin maidir le smachtbhannaí d’aon toil agus tá feidhm acu laistigh de dhlínse an Aontais.

Cén áit a mbíonn smachtbhannaí i bhfeidhm?

Glactar formhór chórais smachtbhannaí an Aontais i bhfianaise staid shonrach i dtír ar leith.

Mar shampla, tá smachtbhannaí forchurtha ag an Aontas i bhfianaise na staide sa Rúis, sa Bhealarúis, san Iaráin, sa Chóiré Thuaidh, sa tSiria, i bPoblacht Dhaonlathach an Chongó agus i Veiniséala.

Cuir an pointeoir luiche os cionn na léarscáile chun tuilleadh eolais a fháil.

Leagan téacs

Tíortha ina bhfuil feidhm ag córas smachtbhannaí:

An Afganastáin
An Bhealarúis
An Bhoisnia agus an Heirseagaivéin
An Bhurúin
Poblacht na hAfraice Láir
Poblacht Dhaonlathach an Chongó
Guatamala
An Ghuine
Guine Bissau
Háítí
An Iaráin
An Iaráic
An Liobáin
An Libia
Mailí
An Mholdóiv
Maenmar/Burma
Nicearagua
An Nígir
An Chóiré Thuaidh
An Rúis
An tSomáil
An tSúdáin Theas
An tSúdáin
An tSiria
An Túinéis
An Tuirc
An Úcráin
Veiniséala
Éimin
An tSiombáib

Tíortha ar a bhfuiltear ag díriú

Colláis ina bhfuil mias satailíte, lámh ardaithe timpeallaithe ag réaltaí bhratach an Aontais agus lastlong mhór.

An Rúis

Colláis ina bhfuil Aleksandr Lukashenka, túr radair ar chúlra glas agus earraí ór agus diamaint agus comhpháirteanna leictreonacha, mar shampla micrishlis agus clár ciorcad, ar chúlra dearg.

An Bhealarúis

Bean ag ardú a lámh i gcomhartha cumhachtaithe, curtha i gcoinne patrúin gheoiméadracha Peirsis i scáthanna glasa.

An Iaráin

Smachtbhannaí téamacha

Glacann an tAontas córais smachtbhannaí téamacha freisin, lena ndírítear orthu siúd atá freagrach as cineálacha sonracha gníomhaíochta, atá rannpháirteach iontu nó a bhfuil baint acu leo.

Cearta an duine

Smachtbhannaí a bhaineann le sáruithe agus mí-úsáidí tromchúiseacha ar chearta an duine ar fud an domhain. Tá feidhm acu maidir le gníomhartha mar shampla, cinedhíothú, coireanna in aghaidh na daonnachta agus céasadh.

An sceimhlitheoireacht

Smachtbhannaí atá dírithe ar dhaoine aonair, ar ghrúpaí agus ar eintitis a bhfuil baint acu le gníomhartha sceimhlitheoireachta. Tugadh isteach iad tar éis na n-ionsaithe sceimhlitheoireachta an 11 Meán Fómhair 2001.

Airm cheimiceacha

Smachtbhannaí a chuireann le hiarrachtaí an Aontais cur i gcoinne leathadh agus úsáid arm ceimiceach agus tacú leis an gCoinbhinsiún maidir le hAirm Cheimiceacha.

Cibirionsaithe

Smachtbhannaí atá dírithe orthu siúd atá freagrach as cibirionsaithe nó iarrachtaí ar chibirionsaithe agus orthu siúd a thugann tacaíocht airgeadais, theicniúil nó ábhartha d’ionsaithe mar sin.