An Chomhairle Gnóthaí Eachtracha, 17/10/2016, 17 Deireadh Fómhair 2016

Na príomhthorthaí

An tSiria

Ní le fórsa míleata a réiteofar an choinbhleacht. Ní mór teacht ar réiteach polaitiúil. Tá cinneadh déanta ag an Aontas go seolfar idirphlé leis na príomhghníomhaithe réigiúnacha chun an bealach a réiteach don aistriú polaitiúil, don athmhuintearas agus don atógáil.

Is sin a dúirt Federica Mogherini, an tArdionadaí do Ghnóthaí Eachtracha agus don Bheartas Slándála

Ghlac an Chomhairle conclúidí maidir leis an tSiria, ina gcáintear go láidir na hionsaithe a rinne an réimeas agus a chomhghuaillithe, an Rúis go háirithe, go speisialta amas a thógáil ar shaoránaigh agus ar phearsanra daonnúil agus cúraim sláinte de bhun tola.

Iarrann an tAontas na nithe seo leanas:

• go scorfaidh an réimeas agus a chomhghuaillithe de na heitiltímíleata ar fad os cionn Aleppo
• go gcuirfear deireadh leis an gcogaíocht láithreach bonn agus go ndéanfar faireachán air trí bhíthin sásra láidir trédhearcach
• go n-éireofar as gach léigear
• go dtabharfaidh gach taobh rochtain dhaonnúil ar fud na tíre a bheidh iomlán, gan bhac agus inbhuanaithe

Tá an tAontas meáite ar bheathaí a shábháil agus leanfaidh sé dá dhícheall taidhleoireachta chun cabhair a thabhairt isteach in Aleppo agus daoine gortaithe a aslonnú.

• Conclúidí ón gComhairle maidir leis an tSiria

Imirce

D’fhéach na hairí ar gach ar tharla le déanaí maidir leis na gnéithe seachtracha den imirce. Thug an tArdionadaí tuairisc faoi na chéadtorthaí de chur chuige an chreata comhpháirtíochta agus ar an obair ar chomhshocraithe tírshonrachaleis na cúig thír is tábhachtaí .i. Mailí, an Nígir, an tSeineagáil, an Nigéir agus an Aetóip d’fhonn go bhféadfar an imirce a bhainistiú ar bhealach níos fearr. Ba dhíol sásaimh do na hairí an dul chun cinn a rinneadh go nuige seo ar chur chuige an chreata comhpháirtíochta. Sa phlé a rinne siad mhol siad go leathanófaí de réir a chéile raon geografach na hoibre atá ar siúl faoi láthair chuig compháirtithe sa Mheánoirthear agus san Áis.

Ghlac an Chomhairle cinntí i ndáil le tosaíochtaí comhpháirtíochtaagus comhshocruithe leis an Iordáin agus leis an Liobáin.

• An ghéarchéim sa tSiria: Tá an tAontas réidh le dlús a chur le comhpháirtíochtaí leis an Liobáin agus leis an Iordáin
• Teacht ar réitigh i ndáil leis an mbrú imirce (cúlra faisnéise)

Straitéis Dhomhanda an Aontais Eorpaigh

Phléigh an Chomhairle an obair leantach a dhéanfar ar straitéis dhomhanda an Aontais Eorpaigh maidir le beartas slándála “Fís chomhroinnte, comhghníomhaíochtaí: Eoraip níos láidre” agus ghlac conclúidí.

• Conclúidí ón gComhairle i ndáil le Straitéis Dhomhanda an Aontais Eorpaigh maidir leis an mBeartas Eachtrach agus Slándála