An Chomhairle Gnóthaí Eachtracha, 18/10/2016, 18 Deireadh Fómhair 2016

Na príomhthorthaí

Phléigh an Chomhairle síniú agus cur i bhfeidhm sealadach an chomhaontaithe chuimsithigh eacnamaíoch agus trádála le Ceanada (CETA). Ba chéim thábhachtach é an cruinniú chun aghaidh a thabhairt ar na saincheisteanna atá fós gan réiteach agus chun teacht ar chomhaontú coiteann.

Léirigh formhór mór na n-airí a gcuid tacaíochta, agus gan ach Ballstát amháin ann nach féidir tacaíocht a thabhairt ag an bpointe seo. Leanfaidh an Uachtaránacht agus an Coimisiún lena gcuid oibre chun teacht ar chomhaontú iomlán a luaithe is féidir.

Ní ghlacfaidh an Rómáin ná an Bhulgáir leis an gcomhaontú ach amháin má dhéanann Ceanada an dearbhú maidir le cómhalartacht víosaí.

Is iomaí gníomhaíocht atá ar bun le roinnt uaireanta agus laethanta anuas chun go síneofar CETA an tseachtain seo chugainn. An dea-scéal is ea go bhfuilimid gar don chuspóir soiléir seo a bhaint amach. Ach ní féidir linn dhá leath a dhéanamh dár ndícheall, ar ndóigh, ná luí ar na maidí.

Peter Žiga, aire geilleagair agus uachtarán na Comhairle

Pléifidh an Chomhairle Eorpach an tsaincheist seo ag an gcruinniú a bheidh aici ar an 20-21 Deireadh Fómhair.

Is tosaíocht don Aontas é go síneofar CETA. Féadfaidh an tAontas an caidreamh atá aige le Ceanada a neartú agus a dhoimhniú mar thoradh air.

Ba cheart dúinn cuimhneamh ar bhuntáistí na saorthrádála. Beidh deiseanna nua sa ré dhomhanda ag gabháil le CETA, agus déanfar caighdeáin Eorpacha a urramú ag an am céanna. Is comhaontú nua, cothrom é atá an-uaillmhianach go deo.

Peter Žiga, aire geilleagair agus uachtarán na Comhairle

• Comhaontuithe trádála an Aontais Eorpaigh (cúlra faisnéise)