"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Cuireadh an Chomhairle Gnóthaí Eachtracha ar an eolas maidir leis na cuairteanna a thug an tArdionadaí le déanaí ar na Balcáin Thiar, ar réigiún an Mheánoirthir – go háirithe ar an Iordáin agus ar an Iaráin – agus ar na Stáit Aontaithe.
Sa chomhthéacs sin, bhí deis ag na hairí plé a dhéanamh ar Phróiseas an Mheánoirthir, lena n-áirítear na tograí a tháinig ó na Stáit Aontaithe le déanaí, ról an Aontais agus ar an mbealach is fearr chun próiseas polaitiúil a athsheoladh a bheadh inghlactha ag an dá pháirtí, ag tógáil ar pharaiméadair a comhaontaíodh go hidirnáisiúnta, ar chearta comhionanna agus ar an dlí idirnáisiúnta.
Luaigh an Chomhairle ansin an ghéarchéim atá ag titim amach in Iarthuaisceart na Siria, áit a bhfuil géarchéim dhaonnúil in Idlib mar thoradh ar an ionsaí míleata a rinne réimeas na Siria agus a chomhghuaillithe, atá ina riosca don chobhsaíocht sa réigiún máguaird.
Ar deireadh, rinne na hairí tagairt do Veiniséala agus don tSaiheil.
Seolfaimid oibríocht nua sa Mheánmhuir agus chomhaontaíomar go mbeidh mar sprioc leis an oibríocht sin an trádbhac arm a d'fhorchuir Comhairle Slándála na Náisiún Aontaithe a chur chun feidhme. Sócmhainní aeir, satailíte agus muirí a bheidh san oibríocht.
Josep Borrell, Ardionadaí an Aontais do Ghnóthaí Eachtracha agus don Bheartas Slándála
Cuireadh an Chomhairle ar an eolas faoi thoradh an chruinnithe leantaigh le déanaí maidir le próiseas Bheirlín ar imeall Chomhdháil Slándála München, agus bhí malartú tuairimí maidir leis an Libia.
Sa chomhthéacs sin, tháinig na hairí ar chomhaontú polaitiúil maidir le seoladh oibríochta nua sa Mheánmhuir, a mbeidh mar sprioc aici an trádbhac arm a d'fhorchuir Comhairle Slándála na Náisiún Aontaithe a chur chun feidhme. I measc na gcúraimí tánaisteacha, d'fhéadfadh an choireacht eagraithe atá freagrach as an imirce a chomhrac agus oiliúint a chur ar gharda cósta agus ar chabhlach na Libia a bheith san áireamh.
Sócmhainní aeir, satailíte agus muirí a bheidh san oibríocht nua agus saineofar a limistéar oibríochtaí i gcomhréir leis an sainordú a comhaontaíodh.
Chomhaontaigh na hairí go ndéanfaí faireachán cúramach ar an tionchar a d'fhéadfadh a bheith ann ar shreabha imirce agus go bhféadfadh sé, i gcásanna áirithe, a bheith ina chúis le sócmhainní muirí a tharraingt siar ón limistéar ábhartha.
An caidreamh idir an tAontas Eorpach agus an tAontas Afracach
Phléigh an Chomhairle an caidreamh idir an tAontas agus an tAontas Afracach, d'fhonn treoshuímh pholaitiúla a thabhairt maidir le tosaíochtaí straitéiseacha a bheidh ann amach anseo leis an Afraic, agus chun for-rochtain ar chomhpháirtithe Afracacha a chomhordú roimh chruinnithe tábhachtacha a bheidh ann amach anseo.
Airítear orthu sin cruinniú na nAirí Gnóthaí Eachtracha de chuid an Aontais Afracaigh agus an Aontais Eorpaigh agus an 6ú Cruinniú Mullaigh idir an tAontas agus an tAontas Afracach a thionólfar sa Bhruiséil i mí Dheireadh Fómhair 2020.
Tá an Coimisiún Eorpach le teachtaireacht chomhpháirteach “I dtreo Straitéis Chuimsitheach leis an Afraic” a chur i láthair ar an 4 Márta 2020.
An caidreamh idir an tAontas Eorpach agus an India
Le linn lón neamhfhoirmiúil, bhí plé ag na hairí gnóthaí eachtracha agus ag Aire Gnóthaí Eachtracha na hIndia, Subrahmanyam Jaishankar roimh an 15ú Cruinniú Mullaigh idir an tAontas agus an India a mheasfar a thionólfar ar an 13 Márta sa Bhruiséil.
Díríodh go príomha sa phlé ar an iltaobhachas agus an t-ord domhanda bunaithe ar rialacha a chaomhnú, ar an athrú aeráide agus ar chosaint an chomhshaoil, saincheisteanna i ndáil leis an mbeartas eachtrach agus an tslándáil réigiúnach, chomh maith le trádáil agus infheistíocht, nuachóiriú agus nascacht inbhuaine.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Seolfaimid oibríocht nua sa Mheánmhuir agus chomhaontaíomar go mbeidh mar sprioc leis an oibríocht sin an trádbhac arm a d'fhorchuir Comhairle Slándála na Náisiún Aontaithe a chur chun feidhme. Sócmhainní aeir, satailíte agus muirí a bheidh san oibríocht.
