"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-Kunsill Affarijiet Barranin ġie infurmat dwar iż-żjarat reċenti li għamel ir-Rappreżentant Għoli lill-Balkani tal-Punent, ir-reġjun tal-Lvant Nofsani - b'mod partikolari l-Ġordan u l-Iran - u l-Istati Uniti.
F'dan il-kuntest il-ministri kellhom l-opportunità li jiddiskutu l-Proċess tal-Lvant Nofsani, inkluż il-proposti reċenti tal-Istati Uniti, ir-rwol tal-UE u kif l-aħjar jerġa' jitnieda proċess politiku li huwa aċċettabbli għaż-żewġ partijiet, li jibni fuq parametri maqbula b'mod internazzjonali, drittijiet ugwali u d-dritt internazzjonali.
Il-Kunsill imbagħad semma l-kriżi li qed tiżviluppa fil-Majjistral tas-Sirja, fejn l-offensiva militari mir-reġim Sirjan u l-alleati tiegħu tirriżulta fi kriżi umanitarja f'Idlib, u qed tissogra li timmina l-istabbiltà reġjonali usa'.
Fl-aħħar, il-ministri rreferew għall-Venezwela, u għas-Saħel.
Aħna ser inniedu operazzjoni ġdida fil-Mediterran u qbilna li din l-operazzjoni ser ikollha bħala mira l-implimentazzjoni tal-embargo fuq l-armi impost mill-Kunsill tas-Sigurtà tan-Nazzjonijiet Uniti. L-operazzjoni ser tinkludi assi tal-ajru, satellitari u marittimi.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Il-Kunsill ġie infurmat dwar l-eżitu tal-laqgħa ta' segwitu reċenti dwar il-proċess ta' Berlin fil-marġini tal-Konferenza ta' Munich dwar is-Sigurtà, u kellu skambju ta' fehmiet dwar il-Libja.
F'dan il-kuntest, il-ministri laħqu qbil politiku dwar it-tnedija ta' operazzjoni ġdida fil-Mediterran, immirata lejn l-implimentazzjoni tal-embargo fuq l-armi impost mill-Kunsill tas-Sigurtà tan-NU. Il-kompiti sekondarji jistgħu jinkludu l-ġlieda kontra l-kriminalità organizzata responsabbli għall-migrazzjoni, u t-taħriġ tal-gwardja tal-kosta u l-flotta navali Libjani.
L-operazzjoni l-ġdida ser tinkludi assi tal-ajru, satellitari u marittimi u ż-żona ta' operazzjonijiet tagħha ser tiġi definita skont il-mandat miftiehem.
Il-ministri qablu li l-impatt potenzjali fuq il-flussi migratorji ser jiġi ssorveljat b'attenzjoni u, f'xi każijiet, jista' jwassal għall-irtirar ta' assi marittimi miż-żona rilevanti.
Il-Kunsill iddiskuta r-relazzjonijiet bejn l-UE u l-Unjoni Afrikana, bil-ħsieb li jiġu pprovduti orjentazzjonijiet politiċi dwar prijoritajiet strateġiċi futuri mal-Afrika, u biex jiġi kkoordinat il-kuntatt mas-sħab Afrikani qabel laqgħat importanti li ġejjin.
Dawn jinkludu l-laqgħa tal-Ministri għall-Affarijiet Barranin tal-UA u l-UE u s-Sitt Summit li jmiss bejn l-UE u l-Unjoni Afrikana li ser isir fi Brussell f'Ottubru 2020.
Il-Kummissjoni Ewropea mistennija tippreżenta komunikazzjoni konġunta "Lejn Strateġija Komprensiva mal-Afrika" fl-4 ta' Marzu 2020.
Waqt ikla informali, il-ministri għall-affarijiet barranin u l-Ministru għall-Affarijiet Esterni tal-Indja, Subrahmanyam Jaishankar, kellhom diskussjoni qabel il-15-il Summit bejn l-UE u l-Indja li huwa mistenni li jsir fit-13 ta' Marzu fi Brussell.
L-enfasi ewlenija ta' dan l-iskambju kienet fuq il-multilateraliżmu u li jiġu rispettati r-regoli bbażati fuq l-ordni globali, it-tibdil fil-klima u l-protezzjoni ambjentali, il-kwistjonijiet ta' politika barranija u s-sigurtà reġjonali, kif ukoll, il-kummerċ u l-investiment, il-modernizzazzjoni sostenibbli u l-konnettività.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Aħna ser inniedu operazzjoni ġdida fil-Mediterran u qbilna li din l-operazzjoni ser ikollha bħala mira l-implimentazzjoni tal-embargo fuq l-armi impost mill-Kunsill tas-Sigurtà tan-Nazzjonijiet Uniti. L-operazzjoni ser tinkludi assi tal-ajru, satellitari u marittimi.
