"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
An Chomhairle Gnóthaí Eachtracha, 20/01/2020, 20 Eanáir 2020
Príomhthorthaí
Cúrsaí reatha
Cuireadh an Chomhairle Gnóthaí Eachtracha ar an eolas faoin toradh a bhí ar Chomhdháil Bheirlín maidir leis an Libia an 19 Eanáir. Phléigh an Chomhairle conas is féidir leis an Aontas páirtníos láidre a ghlacadh sa phróiseas chun teacht ar réiteach polaitiúil, go háirithe chun cuidiú leis an sos cogaidh a comhaontaíodh a chur chun feidhme agus chun trádbhac arm na Náisiún Aontaithe a fhorfheidhmiú.
Phléigh an Chomhairle a bhfuil ag tarlú sa Bholaiv ansin. D’athdhearbhaigh na hairí go dtacaíonn siad leis an bpróiseas as a n-eascróidh olltoghcháin ar an 3 Bealtaine 2020.
Thagair na hairí do Veiniséala freisin, i bhfianaise géarú breise ar an ngéarchéim a bhaineann le himeachtaí a tharla le déanaí sa Chomhthionól Náisiúnta. Dúirt siad an athuair go dtacaíonn siad le Juan Guaidó mar Uachtarán an Tionóil Náisiúnta.
Ar deireadh, thuairiscigh an tArdionadaí go hachomair faoina thuras chuig Deilí Nua na hIndia, áit ar ghlac sé páirt in Idirphlé Raisina agus phléigh sé na hullmhúcháin le húdaráis na hIndia don 15ú Cruinniú Mullaigh idir an tAontas Eorpach agus an India atá beartaithe don 13 Márta.
Bhí malartú tuairimí ag an gComhairle maidir leis an staid slándála agus dhaonnúil sa tSaiheil atá ag dul in olcas agus maidir leis an ról a d’fhéadfadh a bheith ag an Aontas ina cháil mar phríomh-chomhpháirtí agus mar phríomhdheontóir sa réigiún, tar éis chruinniú mullaigh G5 idir an Fhrainc agus an tSaiheil a bhí ar siúl in Pau an 13 Eanáir.
Chuir an Chomhairle in iúl go dtacaíonn sí le Straitéis reatha na Saiheile a athnuachan agus a uas-scálú le go méadófar gníomhaíocht an Aontais chun tacú leis an tslándáil, leis an gcobhsaíocht agus leis an bhforbairt. Leag na hairí béim ar a thábhachtaí atá cur chuige comhtháite lena n-áirithítear na sineirgí is mó is féidir idir na gníomhaithe éagsúla lena mbaineann agus na hacmhainní a úsáidtear, chomh maith le húinéireacht thíortha G5 na Saiheile a áirithiú.
Agus iad i mbun cainte, phléigh na hairí freisin an cruinniú a bheidh ann go gairid le G5 na Saiheile, a bhfuil sé beartaithe ag Uachtarán na Comhairle Eorpaí, Charles Michel, é a eagrú agus Comhairle Eorpach mhí an Márta 2020 ar siúl.
Chinn an Chomhairle inniu go gcuirfimis dlús lenár gcomhar straitéiseach le tíortha na Saiheile. Is léir go gcaithfimid níos mó a dhéanamh, agus beimid ag caint faoin méid sin i mí an Mhárta agus an chéad Chomhairle Eorpach eile ar siúl.
Josep Borrell, Ardionadaí do Ghnóthaí Eachtracha agus don Bheartas Slándála
Phléigh an Chomhairle bealaí chun dlús a chur lena taidhleoireacht aeráide agus feabhas a chur uirthi, agus ghlac sí conclúidí maidir leis an ábhar sin.
Rinne na hairí tagairt go háirithe do ghníomhaíochtaí nithiúla a d’fhéadfaí a dhéanamh chun teagmháil éifeachtach a dhéanamh le tríú tíortha, chun níos mó uaillmhéine a chruthú ar an leibhéal domhanda maidir leis an aeráid agus chun feabhas a chur ar chur chun feidhme ó na bpríomh-chomhpháirtithe agus ó na tíortha is mó astaíochta.
Próiseas Síochána an Mheánoirthir agus an réigiún máguaird
Le linn lóin oibre, rinne airí gnóthaí eachtracha an Aontais plé neamhfhoirmiúil ar Phróiseas Síochána an Mheánoirthir (MEPP) agus ar an Meánoirthear i gcoitinne. Chuir an plé sin leis an toradh a bhí ar chruinniú urghnách na Comhairle Gnóthaí Eachtracha an 10 Eanáir 2020, inar díríodh ar a bhfuil ag titim amach faoi láthair sa Libia agus san Iaráic. Sa chomhthéacs sin, phléigh na hairí freisin a bhfuil i ndán do JCPoA, socrú núicléach na hIaráine. Chuir an tArdionadaí i bhfios go láidir go leanfadh sé de bheith i dteagmháil leis na gníomhaithe ábhartha uile sa réigiún.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Chinn an Chomhairle inniu go gcuirfimis dlús lenár gcomhar straitéiseach le tíortha na Saiheile. Is léir go gcaithfimid níos mó a dhéanamh, agus beimid ag caint faoin méid sin i mí an Mhárta agus an chéad Chomhairle Eorpach eile ar siúl.
