Físchomhdháil na n-airí cosanta, 12 Bealtaine 2020

Na príomhthorthaí

Bhí físchomhdháil ag airí cosanta an Aontais, faoi chathaoirleacht Ardionadaí an Aontais do Ghnóthaí Eachtracha agus don Bheartas Slándála, Josep Borrell.

Is dócha, de thoradh phaindéim Covid-19, go dtiocfaidh meath ar ár dtimpeallacht slándála sna blianta atá le teacht. Fágann sin gur mó an gá atá le slándáil agus cosaint níos láidre san Aontas. Josep Borrell, Ardionadaí an Aontais do Ghnóthaí Eachtracha agus don Bheartas Slándála

Phléigh na hairí impleachtaíphaindéim Covid-19 maidir leslándáil agus cosaint. Dhírigh siad go háirithe ar an ról tábhachtach atá ag fórsaí armthai ndáil letacaíocht a thabhairt do ghníomhaithe sibhialtacha agus tacaíocht trasteorann i measc na mBallstát a chur ar fáil. Sa chomhthéacs sin, rinne an tascfhórsa, a bunaíodh le linn na físchomhdhála deireanaí de na hairí cosanta ar an 6 Aibreán, dlúthobair leis na Ballstáit chun malartú eolais agus dea-chleachtais a chinntiú.

Bhí na hairí ar aon intinn gur cheart don Aontas leanúint dá dhícheall a dhéanamh chun láithreacht oibríochtúil a choinneáil ar a mhisin agus a oibríochtaí a bhaineann leis an gComhbheartas Slándála agus Cosanta, agus sábháilteacht an phearsanra atá imscartha iontu á caomhnú ag an am céanna.

Thairis sin, chuir siad i dtreis gur gá ullmhacht agus athléimneacht don am atá le teacht a neartú trí chleachtaí a dhéanamh, obair ar chibearshlándáil a neartú agus bagairtí hibrideacha a chomhrac, lena n-áirítear iarrachtaí a fheabhsú chun bréagaisnéis a chomhrac.

Thug Ard-Rúnaí ECAT, Jens Stoltenberg agus Fo-Ardrúnaí na Náisiún Aontaithe um Oibríochtaí Síochána, Jean-Pierre Lacroix an t-eolas is déanaí faoin obair atá fós ar bun ina gcuid eagraíochtaí. Bhí plé acu leis na hairí ar chomhar cosanta chun dul i ngleic le géarchéim Covid-19.

• COVID-19 - Ceachtanna agus Impleachtaí do Shlándáil agus Cosaint an Aontais (SEGS)