"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Físchomhdháil na n-airí gnóthaí eachtracha (cosaint), 16 Meitheamh 2020
Na príomhthorthaí
Bhí físchomhdháil ag airí cosanta an Aontais, faoi chathaoirleacht Ardionadaí an Aontais do Ghnóthaí Eachtracha agus don Bheartas Slándála, Josep Borrell, chun clár oibre an Aontais maidir leis an tslándáil agus an chosaint a phlé.
Chomhaontaíomar go gcuirfimid tús le forbairt an Chompáis Straitéisigh chun an leibhéal uaillmhéine a chomhaontaíomar in 2016 maidir leis an tslándáil agus an chosaint a thiontú i dtreoirlínte beartais níos nithiúla.
Josep Borrell, Ardionadaí an Aontais do Ghnóthaí Eachtracha agus don Bheartas Slándála
Ar dtús, phléigh na hairí an chaoi le rannpháirtíocht oibríochtúil an Aontais a neartú, agus luadh na nithe a leanas:
- pearsanra míleata na misin oiliúna a ath-imlonnú, d’fhonn a gcuid gníomhaíochtaí a atosú de réir a chéile - an gá atá le neart mhisin agus oibríochtaí míleata an Aontais a fheabhsú trí bhunú fórsaí - a thábhachtaí atá sé Saoráid Síochána Eorpach éifeachtach a bhunú roimh dheireadh na bliana
Ina theannta sin bhí malartú tuairimí ag na hairí maidir le cé mar is féidir tionscnaimh chosanta an Aontais a thabhairt chun cinn, tionscnaimh amhail Buanchomhar Struchtúrtha (PESCO) agus Compás Straitéiseach de chuid an Aontais a fhorbairt.
Ar deireadh, phléigh na hairí saincheist na n-acmhainní airgeadais is gá chun tionscnaimh slándála agus cosanta an Aontais a chur chun feidhme, agus aird faoi leith á tabhairt ar an gCiste Eorpach Cosanta, an tsoghluaisteacht mhíleata, agus an tSaoráid Síochána Eorpach.
Bord Stiúrtha na Gníomhaireachta Eorpaí um Chosaint
Roimh fhíschomhdháil na n-airí cosanta bhí cruinniú ag bord stiúrtha na Gníomhaireachta Eorpaí um Chosaint.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Chomhaontaíomar go gcuirfimid tús le forbairt an Chompáis Straitéisigh chun an leibhéal uaillmhéine a chomhaontaíomar in 2016 maidir leis an tslándáil agus an chosaint a thiontú i dtreoirlínte beartais níos nithiúla.
