"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza tal-ministri għall-affarijiet barranin (difiża), 16 ta' Ġunju 2020
Riżultati ewlenin
Il-ministri għad-difiża tal-UE kellhom vidjokonferenza, ippreseduta mir-Rappreżentant Għoli tal-UE għall-Affarijiet Barranin u l-Politika ta' Sigurtà, Josep Borrell, biex jiddiskutu l-aġenda tal-UE tas-sigurtà u d-difiża.
Illum qbilna li nniedu l-iżvilupp ta' Kumpass Strateġiku biex il-livell ta' ambizzjoni tagħna dwar is-sigurtà u d-difiża maqbul fl-2016 insarrfuh f'orjentazzjonijiet ta' politika aktar konkreti.
Josep Borrell, Rappreżentant Għoli tal-UE għall-Affarijiet Barranin u l-Politika ta' Sigurtà
Il-ministri l-ewwel iddiskutew kif jissaħħaħ l-involviment operattiv tal-UE, b'referenza għal:
- l-iskjerament mill-ġdid ta' persunal militari ta' missjonijiet ta' taħriġ, bil-ħsieb li b'mod gradwali jerġgħu jibdew l-attivitajiet tagħhom - il-ħtieġa li tissaħħaħ is-saħħa tal-missjonijiet u l-operazzjonijiet militari tal-UE permezz ta' ġenerazzjoni tal-forzi - l-importanza li tiġi stabbilita Faċilità Ewropea tal-Paċi effettiva qabel tmiem is-sena
Imbagħad il-ministri kellhom skambju ta' fehmiet dwar kif jistgħu jmexxu 'l quddiem l-inizjattivi tad-difiża tal-UE bħall-Kooperazzjoni Strutturata Permanenti (PESCO) u l-iżvilupp ta' Kumpass Strateġiku tal-UE.
Fl-aħħarnett il-ministri ddiskutew il-kwistjoni tal-mezzi finanzjarji meħtieġa biex jiġu implimentati l-inizjattivi tas-sigurtà u d-difiża tal-UE, b'attenzjoni fuq il-Fond Ewropew għad-Difiża, il-Mobbiltà Militari u l-Faċilità Ewropea għall-Paċi.
Bord ta' Tmexxija tal-Aġenzija Ewropea għad-Difiża
Qabel il-vidjokonferenza tal-ministri għad-difiża saret laqgħa tal-bord ta' tmexxija tal-Aġenzija Ewropea għad-Difiża.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Illum qbilna li nniedu l-iżvilupp ta' Kumpass Strateġiku biex il-livell ta' ambizzjoni tagħna dwar is-sigurtà u d-difiża maqbul fl-2016 insarrfuh f'orjentazzjonijiet ta' politika aktar konkreti.
