An Chomhairle Gnóthaí Eachtracha (Trádáil), 26-29 Márta 2026

Na príomhthorthaí

Tháinig an Chomhairle Gnóthaí Eachtracha, ina foirmíocht Trádála, le chéile ar imeall an 14ú Comhdháil Aireachta de chuid na hEagraíochta Domhanda Trádála (EDT), a bhí ar siúl in Yaoundé, Camarún, ón 26 go dtí an 30 Márta 2026. Ba é aire fuinnimh, tráchtála agus tionscail Phoblacht na Cipire, Michael Damianos, a bhí ina chathaoirleach ar chruinniú na Comhairle Gnóthaí Eachtracha (Trádáil), agus uachtaránacht rothlach na Comhairle ag an gCipir. Rinne an Coimisinéir um an Trádáil agus Slándáil Eacnamaíoch, Maroš Šefčovič, agus an Coimisinéir um an Talmhaíocht agus Bia, Christophe Hansen, ionadaíocht don Choimisiún Eorpach.

Bhí an chéad seisiún de chruinniú na Comhairle Gnóthaí Eachtracha ar siúl an 26 Márta, sular thosaigh an chomhdháil. An lá céanna, d’fhormheas an Chomhairle an chéad thacar conclúidí ina sonraítear an seasamh ón Aontas agus na hionchais don 14ú Comhdháil Aireachta.

Le linn na comhdhála, chuaigh an Coimisiún i gcomhairle go rialta leis na Ballstáit faoina raibh ag titim amach.

An 29 Márta, roimh dheireadh an 14ú Comhdháil Aireachta, tháinig airí an Aontais le chéile arís don seisiún clabhsúir de chruinniú Trádála na Comhairle Gnóthaí Eachtracha. Ina dhiaidh sin, d’fhormheas an Chomhairle an dara tacar conclúidí maidir le torthaí na comhdhála.

• Conclúidí ón gComhairle ag deireadh an 14ú Comhdháil Aireachta de chuid na hEagraíochta Domhanda Trádála
• Conclúidí ón gComhairle ag tús an 14ú Comhdháil Aireachta de chuid na hEagraíochta Domhanda Trádála
• An 14ú Comhdháil Aireachta de chuid na hEagraíochta Domhanda Trádála (suíomh gréasáin oifigiúil)
• An tAontas Eorpach agus an Eagraíocht Dhomhanda Trádála (eolas cúlra)
• An tAontas Eorpach agus an EDT (an Coimisiún Eorpach)
• Aighneacht ón Aontas maidir le hathchóiriú EDT (21 Eanáir 2026)
• An Chomhairle Gnóthaí Eachtracha (Trádáil) ar imeall MC13 EDT in Abú Daibí, Aontas na nÉimíríochtaí Arabacha (an 25-29 Feabhra 2024)