An Chomhairle um Ghnóthaí Ginearálta, 16/12/2014, 16 Nollaig 2014

Is ríthábhachtach d'AE é próiseas an mhéadaithe 

Ghlac an Chomhairle Gnóthaí Ginearálta conclúidí an 16 Nollaig maidir le próiseas mhéadú AE agus maidir le ról na Comhairle chun an smacht reachta a chosaint. Thug sí faoi na hullmhúcháin don Chomhairle Eorpach atá ag teacht aníos freisin.

Urraim do shásra an smachta reachta a áirithiú

Thángthas ar chomhaontú go mbeadh príomhról ag an gComhairle sa phlé leis na Ballstáit maidir leis an smacht reachta a urramú in AE. 

Beidh an t-idirphlé sin i measc na mBallstát ar siúl uair amháin sa bhliain sa Chomhairle, ina foirmíocht Gnóthaí Ginearálta, agus ullmhóidh COREPER (an Uachtaránacht) é.

Ullmhúchán do chruinniú na Comhairle Eorpaí i mí na Nollag

An 18 agus 19 Nollaig, breathnóidh an Chomhairle Eorpach ar fheabhas a chur ar an gcreat infheistíochta agus ar mhionsonraí phlean infheistíochta EUR 315 billiún don chéad dá bhliain eile, ar plean AE é.

Tarraingíonn an plean ar acmhainní breise poiblí agus príobháideacha chun iarracht a dhéanamh an fás agus poist a spreagadh san Eoraip.

Is móide go bpléifear ceisteanna atá ina n-ábhar imní idirnáisiúnta freisin amhail an staid san Úcráin.

Ítimí eile atá ar an gclár oibre

Clár oibre straitéiseach AE a chur chun feidhme

Ar bhonn tuarascáil a d’ullmhaigh Uachtaránacht na hIodáile, chaith airí AE súil ar an gcaoi a bhféadfaí dlús a chur le cur chun feidhme na dtosaíochtaí a comhaontaíodh ag an gComhairle Eorpach i mí an Mheithimh. Phléigh airí AE tuairimí maidir le tosaíocht an chláir oibre straitéisigh ag díriú ar ghné sheachtrach AE: AE mar ghníomhaí domhanda.

Cláreagrú bliantúil agus ilbhliantúil idirinstitiúideach a neartú

Phléigh an Chomhairle clár oibre 2015 an Choimisiúin Eorpaigh, agus thacaigh sí le conclúidí maidir le bealaí chun feabhas a chur ar phleanáil reachtach AE agus ar fheidhmiú AE.

Treochlár don tSeimeastar Eorpach 2015

Mhínigh Uachtaránacht nua na Laitvia do na hairí freisin an chaoi a bhfuil sé i gceist aici feidhmiú sa chéad seimeastar de 2015.