An Chomhairle um Ghnóthaí Ginearálta, 21/04/2015, 21 Aibreán 2015

Na príomhthorthaí  

Chuir an Uachtaránacht an Chomhairle ar an eolas faoin bplé a bhí ag na hAirí Gnóthaí Eachtracha agus Gnóthaí Baile maidir le saincheisteanna imirce ag cruinniú comhpháirteach a thionól Ardionadaí an Aontais do Ghnóthaí Eachtracha agus don Bheartas Slándála agus an Uachtaránacht an 20 Aibreán 2015.

Tá an dea-thoil ann cinnte ach anois is gá bogadh ar aghaidh agus gníomhaíocht nithiúil a dhéanamh.” Edgars RINKĒVIČS, Aire Gnóthaí Eachtracha na Laitvia 

Ba dhíol sásaimh do na hAirí gur mó anois atáthar diongbháilte gníomhú maidir le cúrsaí imirce, go háirithe i ndáil leis na trí réimse seo a leanas:

• an comhrac a athneartú i gcoinne smuigleáil daoine
• gníomhaíocht an Aontais a neartú le nach mbáfaí imircigh ar muir
• an comhar le tríú tíortha a threisiú 

Mheas na hAirí go mbeadh an plé sin ina bhonn maith don Chomhairle Eorpach urghnách a thionól an tUachtarán Donald Tusk an 23 Aibreán 2015 i ndáil leis an mbrú imirce i réigiún na Meánmhara.

D’aontaigh an Chomhairle méadú beagnach €1 billiún a dhéanamh ar réamhíocaíochtaí faoi thionscnamh na fostaíochta don aos óg in 2015. Déanfar sin le go bhféadfaidh na Ballstáit bearta a leagan amach go sciobtha don chomhrac i gcoinne na dífhostaíochta i measc an ógra.

Léirítear, leis an méadú súntasach a dhéanfar ar na réamhíocaíochtaí, go bhfuilimid meáite go mór ar dhul i ngleic leis an dífhostaíocht i measc an ógra san Eoraip. Go deimhin, tá an easpa réamh-mhaoiniúcháin ar cheann de na príomhbhacainní atá ag cur cosc ar EUR 6.4 billiún ón tionscnamh fostaíochta don aos óg a úsáid go gasta. Oibreoidh Uachtaránacht na Laitvia anois le Parlaimint na hEorpa chun a áirithiú go nglacfar na rialacha nua a luaithe is féidir", a dúirt Jānis REIRS, Aire Airgeadais na Laitvia.

Leasaigh an Chomhairle creat airgeadais ilbhliantúil an Aontais don tréimhse 2014-2020 chun cistí a chaomhnú chun an fás agus poist a chur chun cinn. "Leis an athbhreithniú sin, tá na réamhchoinníollacha uile comhlíonta againn le gur féidir na hacmhainní leithdháilte a úsáid a mhéid is féidir agus, ar an dóigh sin, go n-áiritheofar go ndéanfar na cláir sin chun tacú leis an bhfás agus leis an bhfostaíocht a chur chun feidhme go rianúil”, a dúirt Edgars RINKĒVIČS.

• Toradh chruinniú na Comhairle