An Chomhairle Gnóthaí Ginearálta, 15/11/2017, 15 Samhain 2017

Na príomhthorthaí

A bhfuil i ndán don bheartas comhtháthaithe

Phléigh an Chomhairle a bhfuil i ndán don bheartas comhtháthaithe ó 2020 ar aghaidh, tar éis don Choimisiún an 7ú tuarascáil maidir le comhtháthú eacnamaíoch, sóisialta agus críochach a fhoilsiú.

• An 7ú tuarascáil maidir leis an gcomhtháthú eacnamaíoch, sóisialta agus críochach

Cuirfidh toradh na díospóireachta leis an obair atá á déanamh ag an gCoimisiún mar chuid den ullmhúchán atá á dhéanamh aige ar phacáiste nua reachtach maidir leis an mbeartas comhtháthaithe ó 2020 ar aghaidh, pacáiste atáthar ag súil lena thíolacadh an bhliain seo chugainn.

Ghlac an Chomhairle conclúidí freisin, gan phlé, maidir le sineirgí agus simpliú a dhéanamh ar an mbeartas comhtháthaithe ó 2020 ar aghaidh.

• Téacs na gconclúidí

“Ní bhíonn saoránaigh agus cuideachtaí ar an eolas i gcónaí faoi thionchar an bheartais chomhtháthaithe ar gheilleagar na hEorpa agus ar an saol laethúil acu. Ach tá an borradh curtha aige faoi réimse leathan earnálacha, lena n-áirítear an geilleagar digiteach, an comhshaol, iompar, an bonneagar sóisialta agus taighde. Tugadh treoir shoiléir sa phlé a bhí inniu againn maidir le bealaí chun éifeachtaí iolraitheora dearfacha an chomhtháthaithe a mhéadú don chéad bhuiséad ilbhliantúil eile.” Jaak Aab, Aire Riaracháin Phoiblí na hEastóine

Cistí struchtúracha agus infheistíochta

Thug an Chomhairle dá haire an dul chun cinn i ndáil leis an bpróiseas reachtach leanúnach maidir le modhnú a dhéanamh ar "Rialachán na bhForálacha Coiteanna", go háirithe na forálacha maidir le Cistí Struchtúrtha agus Infheistíochta na hEorpa atá sa togra "Omnibus" ón gCoimisiún.

Leis an togra Omnibus, atá ina chuid den athbhreithniú meántéarma ar an gcreat airgeadais ilbhliantúil 2014-2020, déanfar na rialacha airgeadais is infheidhme maidir le buiséad ginearálta an Aontais a chuíchóiriú agus a shimpliú.

• An togra Omnibus