An Chomhairle Gnóthaí Ginearálta, 12/12/2017, 12 Nollaig 2017

Na príomhthorthaí

Comhairle Eorpach mhí na Nollag

Rinne an Chomhairle scrúdú ar dhréachtchonclúidí mar ullmhúcháin do chruinniú na Comhairle Eorpaí ar an 14-15 Nollaig. Ag an gcruinniú a bheidh acu, beidh ceannairí an Aontais ag díriú ar an méid seo a leanas:

• an chosaint, mar a meastar go gcuirfidh sí sásamh in iúl i dtaca le seoladh an bhuanchomhair struchtúrtha (PESCO) agus go ndéanfaidh sí athbhreithniú ar an dul chun cinn i réimsí eile, go háirithe an comhar idir an tAontas agus ECAT
• saincheisteanna sóisialta, oideachais agus cultúir, mar a nglacfaidh sí conclúidí lena gcuirfear leis an bplé a tharla ag an gCruinniú Mullaigh Sóisialta in Göteborg agus leis an díospóireacht faoi chultúr agus oideachas mar chuid de Chlár Oibre na gCeannairí
• caidreamh seachtrach, mar a dtabharfar aghaidh ar a bhfuil ag titim amach ó thaobh an bheartais eachtraigh de
• an imirce, mar a mbeidh díospóireacht ann i ndáil leis an mbealach chun cinn sa réimse seo mar chuid de Chlár Oibre na gCeannairí

• An Chomhairle Eorpach, 14-15/12/2017

An Clár Eorpach Forbartha Tionscal i réimse na Cosanta

Ghlac an Chomhairle a seasamh caibidlíochta maidir leis an gClár Eorpach Forbartha Tionscal i réimse na Cosanta (EDIDP) lena dtacófar lecumas iomaíochta agusnuálaíochtathionscal cosanta an Aontais.

Tosaíocht lárnach is ea an tslándáil Eorpach, ar mhaithe lenár saoránaigh. Anois chun teanntú leis na cuspóirí seo, tá méadú nach féidir a shéanadh ag teacht ar an gcomhar cosanta i measc chomhaltaí an Aontais. Beidh an tionscal cosanta níos iomaíche agus níos nuálaí de thairbhe an Chláir Eorpaigh Forbartha Tionscal i réimse na Cosanta. Tá an méid sin ríthábhachtach do shlándáil ár saoránach agus d’inmharthanacht ár dtionscal. Jüri Luik, Aire Cosanta na hEastóine

• Cosaint na hEorpa: Tagann an Chomhairle ar chomhaontú maidir lena seasamh i ndáil leis an togra le haghaidh rialachán lena mbunaítear an Clár Eorpach Forbartha Tionscal i réimse na cosanta (EDIDP)
• Comhar an Aontais Eorpaigh i gcúrsaí slándála agus cosanta

Tosaíochtaí an Aontais do 2018-2019

D’fhormheas an Chomhairle tosaíochtaí reachtacha an Aontais do 2018-2019, i seacht gcinn de phríomhréimsí:

• an tslándáil
• an imirce
• poist, fás agus infheistíocht
• an Eoraip shóisialta
• an margadh aonair digiteach
• fuinneamh agus an aeráid
• dlisteanacht dhaonlathach

Thart ar 18 mí atá fágtha roimh na toghcháin Eorpacha ag lucht déanta cinntí an Aontais chun torthaí a chur ar fáil ón gclár oibre dearfach do na saoránaigh. Más féidir comhaontú a bhaint amach i ndáil le tacar tosaíochtaí, beifear in ann comhoibriú ar bhealach níos dlúithe lena chéile. Tá sé mar aidhm againn torthaí nithiúla a bhaint amach, lena dtaispeánfar gur féidir leis an Aontas luach breise praiticiúil a chur ar fáil. Sven Mikser, Aire Gnóthaí Eachtracha na hEastóine

• Tosaíochtaí reachtacha an Aontais do 2018-2019 formheasta ag an gComhairle

Plean gníomhaíochta maidir leis an gCibearshlándáil

Ghlac an Chomhairle plean gníomhaíochta le haghaidh chur chun feidhme na gConclúidí ón gComhairle maidir le cibearshlándáil láidir a fhorbairt don Aontas Eorpach.

Glacadh na conclúidí sin ar an 20 Samhain 2017. Sna conclúidí sin, iarrtar go ndéanfaí an chibearshlándáil Eorpach a neartú agus go gcuirfí feabhas ar an gcibear-athléimneacht ar fud an Aontais, i gcomhréir leis na treoracha ón gComhairle Eorpach i nDeireadh Fómhair 2017.

• Cibearshlándáil níos láidre le bheith ag an Aontas Eorpach
• Athchóiriú na cibearshlándála san Eoraip

Méadú

Ar imeall chruinniú na Comhairle, thug an Uachtaránacht cuireadh chun lóin neamhfhoirmiúil leis na Ballstáit agus leis an gCoimisinéir Hahn do na tíortha is iarrthóirí chun plé ginearálta a dhéanamh maidir le staid na hoibre agus maidir lena bhfuil le teacht in 2018.

• Méadú an Aontais