An Chomhairle Gnóthaí Ginearálta, 14/05/2018, 14 Bealtaine 2018

Na príomhthorthaí

An creat airgeadais ilbhliantúil ó 2020 amach

Chuir an Coimisiún i láthair don Chomhairle a chuid tograí maidir leis an creat airgeadais ilbhliantúil (CAI) do na blianta 2021 go 2027. Rinne na hairí an chéad dreas díospóireachta.

Táthchuid bhunriachtanach de thodhchaí na hEorpa é buiséad an Aontais a léiríonn luachanna agus bharrmhianta na saoránach. Le díospóireacht an lae inniu, tá tús á chur leis an gcaibidlíocht maidir leis an gcéad chreat ilbhliantúil airgeadais (CIA) eile, creat a chuideoidh linn a áirithiú go mbeidh an Eoraip cobhsaí agus slán, rud a rachaidh chun leasa an uile dhuine. Tá Uachtaránacht na Bulgáire tiomanta don dul chun cinn gasta i dtaca leis an tsaincheist thábhachtach seo. Ekaterina Zaharieva, an Leas-Phríomh-Aire don Athchóiriú Breithiúnach agus Aire Gnóthaí Eachtracha na Bulgáire

• Video: What is the MFF?

Comhairle Eorpach mhí an Mheithimh

Chuir an Chomhairle tús leis an ullmhúchán don chruinniú a bheidh ag an gComhairle Eorpach ar an 28 agus ar an 29 Meitheamh trí dhréachtchlár oibre anótáilte a phlé.

An gcruinniú sin, tá dréim leis go ndéanfaidh an Chomhairle Eorpach:

• féachaint le teacht ar aon fhocal faoin imirce
• aghaidh a thabhairt ar roinnt saincheisteanna a bhaineann le cúrsaí slándála agus cosanta
• clabhsúr a chur ar an Seimeastar Eorpach 2018
• conclúidí a ghlacadh maidir le cánachas, agus ar an nuálaíocht agus ar cheisteanna digiteacha, mar chuid den obair a eascraíonn as díospóireachtaí na gceannairí ar na hábhair sin
• na chéad tuairimí a mhalartú faoin gcéad gcreat airgeadais ilbhliantúil eile agus cinneadh a dhéanamh maidir leis an amlíne a bheidh ann chun an chaibidlíocht a chríochnú

• European Council, 28-29 June 2018

An smacht reachta sa Pholainn

Phléigh an Chomhairle scéal an smachta reachta sa Pholainn.

Chuir an Coimisiún na hairí ar an eolas is deireanaí maidir lena idirphlé le húdaráis na Polainne.

Fillfidh an Chomhairle ar an gceist seo ag an gcéad chruinniú eile dá cuid.

Gníomhaíocht ar mhaithe leis an aeráid agus an fuinneamh glan

Ghlac an Chomhairle, gan phlé, ceithre ghníomhartha reachtacha a bhaineann le:

• 'comhroinnt díchill' i dtaca le hastaíochtaí
• talamhúsáid, athrú talamhúsáide agus cúrsaí foraoiseachta
• tuairisciú comhshaoil
• feidhmíocht fuinnimh foirgneamh

Is cuid é an pacáiste reachtach seo de dhua an Aontais astaíochtaí CO2 a laghdú agus a ghealltanas a chomhlíonadh faoi chomhaontú Pháras maidir le hastaíochtaí gás ceaptha teasa a ghearradh 40% faoi 2030 le hais leibhéil na bliana 1990.

• An rialachán maidir le comhroinnt díchill: Spriocanna glactha ag an gComhairle maidir le hastaíochtaí a laghdú (preaseisiúint, 14 Bealtaine 2018)
• Foraoisí a chosaint agus a bhainistiú ar bhealach níos fearr ar fud an Aontais: Rialachán nua glactha ag an gComhairle (preaseisiúint, 14 Bealtaine 2018)
• Oibleagáidí maidir le tuairisciú comhshaoil: Rialacha níos soiléire glactha ag an gComhairle (preaseisiúint, 14 Bealtaine 2018)
• Foirgnimh fhuinneamhéifeachtúla: Treoir athbhreithnithe glactha ag an gComhairle (preaseisiúint, 14 Bealtaine 2018)

Sciúradh airgid agus maoiniú na sceimhlitheoireachta

Ghlac an Chomhairle, gan phlé, treoir lena neartaítear na rialacha sin de an Aontais lena gcuirtear cosc ar sciúradh airgid agus ar mhaoiniú na sceimhlitheoireachta.

Trí na hacmhainní a bhíonn ar fáil do lucht sceimhlitheoireachta a bhaint díobh, tugann na rialacha nua sin freagairt ar an ngá atá le tuilleadh slándála san Eoraip. Tabharfaidh na rialacha sin caoi dúinn cur as do ghréasáin na gcoirpeach agus, san am céanna, cearta bunúsacha agus saoirsí eacnamaíocha a choinneáil slán. Vladislav Goranov, Aire Airgeadais na Bulgáire

• Sciúradh airgid agus maoiniú na sceimhlitheoireachta: rialacha nua glactha (preaseisiúint, 14 Bealtaine 2018)