An Chomhairle Iompair, Teileachumarsáide agus Fuinnimh (Teileachumarsáid), 21 Bealtaine 2024

Na príomhthorthaí

Bhí díospóireacht bheartais ag na hairí faoi chur chuige comhoibríoch chun go ndéanfar an reachtaíocht a glacadh le déanaí sa réimse digiteach agus sa chibear-réimse a chur chun feidhme go comhleanúnach. D’fhormheas an Chomhairle dhá thacar conclúidí maidir le todhchaí bheartas digiteach an Aontais agus todhchaí na cibearshlándála. Le linn lón neamhfhoirmiúil, bhí seisiún tuairimíochta ag na hairí faoi conas scileanna digiteacha agus claochlú digiteach cuimsitheach a chur chun cinn.

Lá stairiúil a bhí ann i ndáiríre – gan áibhéil a dhéanamh. Ghlacamar an Gníomh um an Intleacht Shaorga, an chéad dlí dá leithéid ar domhan lena gcinntítear intleacht shaorga dhuinelárnach, nuálach agus sábháilte dár saoránaigh agus dár ngnólachtaí. Ach ní hé sin deireadh na hoibre. Bhí seisiún tuairimíochta againn maidir leis an mbealach is fearr chun dlíthe a glacadh le déanaí sa réimse digiteach agus sa chibear-réimse a chur chun feidhme agus d’fhormheasamar conclúidí maidir le todhchaí bheartas digiteach agus chibearshlándáil an Aontais lena sainaithnítear na príomhthosaíochtaí don chéad timthriall reachtach eile.

Petra De Sutter, Leas-Phríomh-Aire agus Aire Teileachumarsáide na Beilge;

Bhí cruinniú cuiditheach réamhbhreathnaitheach againn. Ní hamháin gur thugamar aird ar an obair thábhachtach reachtach atá déanta againn sa réimse digiteach agus sa chibear-réimse le blianta beaga anuas, ach chuireamar treoir pholaitiúil ar fáil don todhchaí freisin. Oibrímis as láimh a chéile chun claochlú digiteach na hEorpa a thabhairt chun críche a luaithe is féidir ar mhaithe lenár saoránaigh, lenár ngnólachtaí agus lenár sochaithe ina n-iomláine.

Mathieu Michel, Státrúnaí na Beilge don digitiú;

Cur chuige comhoibríoch i leith cur chun feidhme comhleanúnach na reachtaíochta

Ar thionscnamh na huachtaránachta, bhí díospóireacht bheartais ag an gComhairle faoi chur chuige comhoibríoch chun go ndéanfar an reachtaíocht a glacadh le déanaí sa réimse digiteach agus sa chibear-réimse a chur chun feidhme go comhleanúnach. Bhí na hairí ar comhaigne go bhfuil ról tábhachtach ag creat rialála digiteach an Aontais i gclaochlú digiteach na hEorpa, i neartú an mhargaidh aonair dhigitigh agus i mbunú na rialacha idirnáisiúnta. Bhí seisiún tuairimíochta acu maidir le conas cur chun feidhme éifeachtach na reachtaíochta nua a chinntiú agus béim á leagan ar ghníomhaíochtaí lenar féidir a cur chun feidhme agus a forfheidhmiú comhsheasmhach agus idir-inoibritheach a spreagadh, agus scrúdaigh siad bearta a d’fhéadfadh rannchuidiú leis an gcomhar riachtanach leis an earnáil phríobháideach agus le geallsealbhóirí ábhartha eile a fhorbairt a thuilleadh chun iomaíochas agus slándáil na hEorpa a neartú. Chomhaontaigh na hairí gur cheart na forbairtí geopholaitiúla a tharla le déanaí a chur san áireamh agus creat rialála digiteach an Aontais á chur chun feidhme, ag díriú ar bhealaí a d’fhéadfadh a bheith ann chun é sin a aistriú ina uaillmhian maidir le huathriail straitéiseach Eorpach lena gcaomhnófar an geilleagar oscailte.

Conclúidí ón gComhairle maidir le todhchaí bheartas digiteach an Aontais

D’fhormheas an Chomhairle conclúidí maidir le todhchaí bheartas digiteach an Aontais lena sainaithnítear na príomhthosaíochtaído bheartas digiteach an Aontais ar mhaith leis na Ballstáit go dtabharfaí aghaidh orthu sa timthriall reachtach atá ar na bacáin. Cumhdaítear sna conclúidí ábhair mar shampla rialacha agus rialachas digiteach, éifeachtaí sochaíocha na digiteála, teicneolaíochtaí digiteacha agus ceannródaíocha, bonneagar slán athléimneach ar fud an Aontais, straitéis sonraí, scileanna digiteacha, an t-aistriú glas agus an t-aistriú digiteach, rialtas digiteach, agus an ghné idirnáisiúnta de bheartas digiteach an Aontais.

• Conclúidí ón gComhairle maidir le todhchaí bheartas digiteach an Aontais

Conclúidí ón gComhairle maidir le todhchaí na cibearshlándála

D’fhormheas an Chomhairle conclúidí maidir letodhchaí chibearshlándáil an Aontais ina ndírítear ar chur chun feidhme na reachtaíochta cibearshlándála a glacadh le déanaí, ar chomhchuibhiú, ar athbhreithniú cuí ar an gcreat le haghaidh scéimeanna deimhniúcháin lena seachnaítear ilroinnt sa reachtaíocht, agus ar an ngá atá le comhordú a neartú de réir mar a mhéadaíonn líon na n-ionstraimí agus na ngníomhaithe. Chomhaontaigh na hairí gur cheart an bealach chun cinn a bheith bunaithe archibearchosaint ghníomhach, agus aghaidh á tabhairt ar an mbearna chistiúcháin agus scileanna, go háirithe i gcomhthéacs thionscnamh nua na céannachta digití. Chomhaontaigh siad go mbeadh sé ríthábhachtach forléargas nithiúil a fháil ar róil agus freagrachtaí na n-eintiteas a bhaineann leis an gcibearshlándáil. Chuir na hairí i bhfios go láidir freisin go mbeadh gá le beartas idirnáisiúnta gníomhach chun comhar an Aontais le tríú tíortha a neartú.

• Conclúidí ón gComhairle maidir le todhchaí na cibearshlándála: cur chur chun feidhme agus comhchosaint

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN

Aon ghnó eile

Chuir an Coimisiún na hairí ar an eolas faoi staid na himeartha i ndáil le tionscnaimh idirnáisiúnta éagsúla atá ar siúl sa réimse digiteach. Chuir sé na hairí ar an eolas freisin maidir le bailchríoch a chur ar an gcaibidlíocht ar choinbhinsiún Chomhairle na hEorpa maidir leis an intleacht shaorga, cearta an duine, an daonlathas agus an smacht reachta.

Thíolaic an Uachtaránacht tuarascáil ar phríomhphointí na comhdhála ardleibhéil maidir leis an ngá atá le treoir nua maidir le seirbhísí poist a tionóladh an 11 Aibreán 2024 sa Bhruiséil agus thug sí forléargas ar na himeachtaí digiteacha, teileachumarsáide agus poist a tionóladh sa chéad leath de 2024.

Chuir toscaireachtaí na Danmhairge, na Seicia agus na Polainne an Chomhairle ar an eolas faoin mbealach chun saoránaigh agus gnólachtaí a chumhachtú sa chlaochlú digiteach trí úsáid chuíchóirithe uaillmhianach a bhaint as tiachóg na céannachta digití Eorpaí.

Ar deireadh, chuir Uachtaránacht inteachta na hUngáire a tosaíochtaí agus a clár oibre don dara leath de 2024 i láthair.

• Tuarascáil ón Uachtaránacht: Príomhphointí na comhdhála ardleibhéil ‘i ndáil leis an ngá atá le Treoir nua maidir le seirbhísí poist’

Lón neamhfhoirmiúil;

Le linn lón neamhfhoirmiúil, phléigh na hairí cur chun cinn scileanna digiteachaagus claochlú digiteach cuimsitheach. Bhí seisiún tuairimíochta ag na hairí maidir leis an gcaoi ar féidir inacmhainneacht fhadtéarmach an idirlín a chinntiú do gach saoránach. Rinne siad machnamh freisin ar conas is féidir leis an Aontas dlús a chur leis na hiarrachtaí chun aghaidh a thabhairt ar an mbearna scileanna digiteacha, an deighilt dhigiteach idir na hinscní san áireamh, chomh maith leis an easpa speisialtóirí TFC, chun fás eacnamaíoch cuimsitheach a chothú, comhtháthú sóisialta a chur chun cinn agus iomaíochas a chinntiú sa ré dhigiteach. Go háirithe, roinn siad tuairimí maidir le céimeanna a d’fhéadfaí a thabhairt chun cur chuige Eorpach a chur chun feidhme maidir le micridhintiúir agus deimhniú a aithint laistigh de mhargadh an tsaothair. Ar deireadh, phléigh na hairí mórghníomhaíochtaí a bhfuil gá leo chun teacht ar 20 milliún speisialtóir TFC san Aontas agus cóineasú inscne níos fearr a bhaint amach faoi 2030.

Míreanna ‘A’ a ghlacadh 

Mar mhíreanna gan phlé, ghlac an Chomhairlean gníomh um an intleacht shaorga, chomh maith le rialachán an treoir maidir ledearadh mhargadh leictreachais, an Aontais agus an ‘pacáiste’ gáis agus hidrigine.

• Rialachán lena leagtar síos rialacha comhchuibhithe maidir leis an intleacht shaorga (gníomh um an intleacht shaorga)
• Rialachán maidir le dearadh mhargadh leictreachais an Aontais
• Treoir maidir le dearadh mhargadh leictreachais an Aontais
• Rialachán maidir leis na margaí inmheánacha sa ghás in-athnuaite agus nádúrtha agus sa hidrigin
• Treoir maidir leis na comhrialacha do na margaí inmheánacha sa ghás in-athnuaite agus nádúrtha agus sa hidrigin