"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.

Żur il-paġna tal-politika tal-cookies tagħna għal aktar informazzjoni u biex tibdel is-settings tiegħek.

български español čeština dansk Deutsch eesti Ελληνικά English français Gaeilge hrvatski italiano latviešu lietuvių magyar Malti Nederlands polski português română slovenčina slovenščina suomi svenska
Skip to content

Ekonomija ċirkolari

Tgħallem dwar il-pjan tal-UE li timxi lejn mudell ekonomiku ċirkolari biex l-Ewropa ssir aktar nadifa u aktar kompetittiva. 

Ir-riżorsi tad-Dinja huma limitati. Jekk nibqgħu nipproduċu u nikkunsmaw kif nagħmlu llum, ser ikollna bżonn tliet pjaneti sal-2050.

Il-pajjiżi tal-UE qed jaħdmu biex jittrasformaw l-ekonomija tal-UE f'sistema ċirkolari fejn il-prodotti huma aktar sostenibbli u l-materjali jiġu rkuprati biex jiġi evitat l-iskart.

Tliet pjaneti f'ringiela: l-ewwel waħda blu, it-tnejn l-oħra bit-tikek.

X'inhi ekonomija ċirkolari?

Mudell ekonomiku ċirkolari huwa bbażat fuq il-kondiviżjoni, it-tiswija, l-użu mill-ġdid u r-riċiklaġġ ta' prodotti u materjali għall-itwal żmien possibbli. Billi testendi ċ-ċiklu tal-ħajja tal-prodotti, l-ekonomija ċirkolari tikkontribwixxi biex l-iskart jitnaqqas kemm jista' jkun.

Ekonomija ċirkolari tfisser l-użu ta' inqas riżorsi naturali u t-tnaqqis tad-dipendenza fuq l-importazzjonijiet tal-materja prima. Dan ifisser li nipproduċu inqas u b'hekk nirrilaxxaw inqas emissjonijiet ta' gassijiet serra, u b'hekk innaqqsu l-impatt tagħna fuq l-ambjent u n-natura. Mudell ċirkolari huwa wkoll opportunità biex tiżdied il-kompetittività u jinħolqu impjiegi u opportunitajiet ta' negozju ġodda.

Illustrazzjoni ta' mudell ekonomiku ċirkolari b'erba' stadji (ir-riżorsi, il-produzzjoni, il-konsum, u l-irkupru u l-iskart) li jaħdmu b'mod ċirkolari.

Riżorsi

Il-materja prima hija essenzjali għall-ekonomija u d-domanda tagħha mistennija li tiżdied b'mod esponenzjali fis-snin li ġejjin. Madankollu, l-estrazzjoni u l-ipproċessar tar-riżorsi għandhom impatt qawwi fuq l-ambjent.

F'ekonomija ċirkolari, id-domanda għall-materja prima titnaqqas, u l-materjali jiġu riċiklati u jerġgħu jiddaħħlu fiċ-ċiklu tal-produzzjoni.

Produzzjoni

T-shirt abjad li 10% minnu huwa kkulurit bl-aħdar; simbolu ta' riċiklaġġ.

F'mudell ċirkolari, il-prodotti huma magħmula biex idumu u huma aktar riċiklabbli, effiċjenti fl-użu tal-enerġija u jistgħu jissewwew.

Ir-regoli tal-UE jistabbilixxu rekwiżiti ta' sostenibbiltà għall-prodotti kollha li jkopru ċ-ċiklu tal-ħajja kollu tagħhom u joħolqu inċentivi kemm għall-produtturi kif ukoll għall-konsumaturi biex isewwu l-oġġetti minflok ma jarmuhom immedjatament wara l-użu.

Konsum

Minbarra l-miżuri li jtawlu l-ħajja tal-prodotti, ir-regoli tal-UE għandhom l-għan li jsaħħu l-pożizzjoni tal-konsumaturi biex jagħmlu għażliet aktar infurmati u sostenibbli meta jixtru prodott jew servizz.

Skont dawn ir-regoli, meta l-kumpaniji jiddikjaraw li l-prodotti tagħhom huma ekoloġiċi, jeħtieġ li jagħtu prova ta' dan, inkluż billi jipparteċipaw fi skemi ta' ċertifikazzjoni bħall-Ekotikketta tal-UE.

Il-logo tal-Ekotikketta tal-UE.

L-irkupru u l-iskart

L-iskart huwa riżorsa fl-ekonomija ċirkolari. Il-leġiżlazzjoni tal-UE tistabbilixxi regoli dwar l-irkupru u l-użu mill-ġdid tal-materjali biex jiġu ttrasformati fi prodotti u riżorsi ġodda.

Il-pajjiżi tal-UE adottaw miżuri biex jipprevjenu u jnaqqsu l-iskart, pereżempju billi jirrestrinġu l-oġġetti tal-plastik u ċerti tipi ta' imballaġġ.

80% tal-iskart li jinsab fl-oċean huwa plastik. Sa mill-2021, l-UE pprojbiet mis-suq l-10 oġġetti l-aktar komuni tal-plastik li jintużaw darba biss.

Cotton buds, pożati u imballaġġ li jintużaw darba biss.

L-ekonomija ċirkolari fil-ħajja ta' kuljum

Ċarġer komuni wieħed biex jintuża għall-mowbajls u l-laptops kollha.

Il-batteriji huma magħmula biex idumu aktar u l-komponenti tagħhom jiġu riċiklati.

Il-marki tal-moda u l-ħwienet ma għadhomx jitħallew jeqirdu t-tessuti mhux mibjugħa.

L-imballaġġ għandu jiġi minimizzat biex jiġu evitati l-użu u l-ħela bla bżonn tar-riżorsi.

Il-ħela tal-ikel għandha titnaqqas bi 30% fir-ristoranti, il-bejgħ bl-imnut u l-unitajiet domestiċi.

Il-komponenti tal-vetturi għandhom jerġgħu jintużaw jew tal-anqas jiġu riċiklati.

L-aħħar spjegazzjonijiet

Grafika li turi madum ta' elementi kimiċi għall-boron, il-manjeżju, l-iskandju, it-tungstenu, il-kobalt u n-nikil f'ċirku kbir, b'linji li jgħaqqduhom ma' illustrazzjonijiet ta' turbina eolika, mowbajl, ajruplan u karozza elettrika.

L-att dwar il-materja prima kritika: element ċentrali tal-UE

Impjant tal-enerġija industrijali bi ċmieni kbar idaħħnu fl-arja.

Emissjonijiet industrijali

Barkun mgħobbi żżejjed bl-iskart jidher fuq ringiela boroż taż-żibel u laned tar-roti, bi vleġeġ 'l isfel li jissuġġerixxu tnaqqis fl-iskart.

L-iskart

L-aħħar reviżjoni: 6 ta' Awwissu 2026