Solidarjetà tal-UE mal-Ukrajna

Kontenut arkivjat.

Ikklikkja fuq il-link ta' hawn taħt biex issib l-aħħar informazzjoni dwar is-solidarjetà mal-Ukrajna.

• Solidarjetà tal-UE mal-Ukrajna (informazzjoni ġenerali)

L-UE u l-istati membri tagħha jappoġġaw bis-sħiħ lill-Ukrajna u lill-poplu tagħha, u ser ikomplu jappoġġaw bil-qawwa l-ekonomija, is-soċjetà, il-forzi armati u r-rikostruzzjoni futura tal-Ukrajna, għal kemm ikun hemm bżonn.

Ċifri sat-18 ta' Marzu 2024.

Azzjoni tal-UE b'appoġġ għall-Ukrajna

1. Appoġġ finanzjarju u ekonomiku

Id-dijagramma hawn taħt turi l-kontribuzzjonijiet kemm mill-Unjoni Ewropea kif ukoll mill-istati membri. Billi tikklikkja fuq kull taqsima turik ukoll l-ammonti fid-dettall għal kull tip ta' kontribuzzjoni.

2. Sigurtà globali tal-ikel u korsiji ta' solidarjetà

L-invażjoni mhux provokata u mhux ġustifikata tar-Russja qed tintensifika kriżi globali tal-ikel, b'hekk l-UE ħolqot rotot biex tgħin lill-Ukrajna tesporta l-prodotti agrikoli tagħha.

Dawn il-korsiji ta' solidarjetà tal-UE ffaċilitaw 55% tal-esportazzjonijiet tal-ikel mill-Ukrajna permezz ta' rotot minn fuq l-art u portijiet tal-UE.

Il-korsiji ta' solidarjetà tal-UE jagħmluha wkoll possibbli li l-Ukrajna tesporta prodotti mhux agrikoli u tirċievi għajnuna umanitarja.

3. Għajnuna umanitarja

In-Nazzjonijiet Uniti jistmaw li għad hemm 14.6 miljun Ukren li għad għandhom bżonn l-għajnuna umanitarja.

4. Protezzjoni ċivili

aktar minn 144 000 tunnellata ta' assistenza materjali ttrasportata lejn l-Ukrajna

madwar 3 000 pazjent ittrasferiti lejn sptarijiet madwar l-Ewropa

kważi 6 000ġeneratur tal-enerġija u 2 700 transformer mibgħuta lill-Ukrajna

5. Sigurtà u difiża

Bejn l-2022 u l-2023:

• 40 000 suldat Ukren tħarrġu bħala parti mill-missjoni ta' assistenza militari tal-UE

6. Nilqgħu lir-refuġjati

Aktar minn 4.2 miljun persuna li ħarbu mill-Ukrajna kienu qed jibbenefikaw minn protezzjoni temporanja fl-UE.

Miżuri oħra tal-UE

F'Ġunju 2022, il-Kunsill Ewropew ta l-istatus ta' pajjiż kandidat lill-Ukrajna:

• il-Kunsill ser jiddeċiedi dwar passi ulterjuri ladarba l-Ukrajna tissodisfa l-kundizzjonijiet deskritti fl-opinjoni tal-Kummissjoni Ewropea dwar l-applikazzjoni tagħha għas-sħubija fl-UE

L-UE imponiet sanzjonijiet massivi fuq ir-Russja biex iddgħajjef il-kapaċità tagħha li tkompli għaddejja bil-gwerra:

• billi żiedet għadd sinifikanti ta' persuni u entitajiet mal-lista tas-sanzjonijiet, u billi adottat miżuri restrittivi mingħajr preċedent
• hemm 12-il pakkett ta' sanzjonijiet ekonomiċi u individwali

L-UE qed tagħti wkoll appoġġ fl-oqsma:

• tad-diplomazija
• tal-prosekuzzjoni ta' delitti internazzjonali
• tas-sikurezza u s-sigurtà nukleari
• tas-setturi tal-enerġija u l-kummerċ
• tal-edukazzjoni u r-riċerka
• tar-reżiljenza ċibernetika u t-trasformazzjoni diġitali
• tal-protezzjoni u r-rikostruzzjoni tal-wirt kulturali
• tal-ġlieda kontra d-diżinformazzjoni Russa

Ara wkoll:

• Ir-rispons tal-UE għall-invażjoni tal-Ukrajna mir-Russja (informazzjoni ġenerali)
• Solidarjetà tal-UE mal-Ukrajna (informazzjoni ġenerali)
• Il-Faċilità għall-Ukrajna (informazzjoni ġenerali)
• Spjegazzjoni tal-esportazzjoni taċ-ċereali Ukreni (infografika)
• Tkabbir tal-UE - Ukrajna (informazzjoni ġenerali)
• Xi jfissru s-sanzjonijiet tal-UE kontra r-Russja (informazzjoni ġenerali)
• Sanzjonijiet tal-UE b'rispons għall-invażjoni tal-Ukrajna mir-Russja (infografika)