Skip to content

L-ekonomija tal-pjattaformi fl-UE

L-ekonomija tal-pjattaformi fl-UE qed tikber malajr. Minn stima ta' €3 biljun fl-2016 laħqet €14-il biljun fi dħul fl-2020.

Aktar minn 500 pjattaforma tax-xogħol diġitali issa qed joperaw fl-UE, li jiffaċilitaw l-aċċess għas-servizzi għall-klijenti u joħolqu opportunitajiet għan-negozji u n-nies.

Għalkemm il-biċċa l-kbira tal-pjattaformi li joperaw fl-UE nħolqu fl-Ewropa, dawn jikkompetu ma' pjattaformi internazzjonali, ibbażati l-iktar fl-Amerka ta' Fuq.

Infografika li tagħti ħarsa ġenerali lejn l-ekonomija dejjem akbar tal-pjattaformi tal-UE.

L-ekonomija tax-xogħol fuq il-pjattaformi fl-UE fil-qosor

Il-pjattaformi tax-xogħol diġitali għandhom rwol importanti fl-ekonomija tal-UE. Dawn huma preżenti fl-istati membri kollha, jipprovdu sors ta' dħul għal aktar minn 28 miljun persuna, u saru mezz popolari ħafna biex jiġu sodisfatti l-ħtiġijiet tal-konsumaturi.

Tkattir b'ħames darbiet f'erba' snin

Id-dħul mix-xogħol fuq il-pjattaformi diġitali mmultiplika f'dawn l-aħħar snin, minn €3.4 biljun fl-2016 għal €14-il biljun fl-2020.

75 % tad-dħul jiġi minn pjattaformi tat-taxi u tal-konsenja tal-ikel - setturi milquta mill-pandemija tal-COVID-19 (is-servizzi tat-taxi naqsu b'35% filwaqt li l-konsenja tal-ikel żdiedet b'125%).

Stampa tal-pjattaformi diġitali fl-UE

Illum il-ġurnata jeżistu aktar minn 500 pjattaforma attiva tax-xogħol diġitali.

Post ta' oriġini tal-pjattaformi diġitali li huma attivi fl-UE:

  • UE: 77%
  • Amerka ta' Fuq:12%
  • Il-bqija tal-Ewropa: 8%
  • Asja: 2%
  • Oċeanja: 1%

Il-qligħ tan-nies li jaħdmu bi pjattaformi fl-UE, skont il-post ta' oriġini tal-pjattaforma diġitali:

  • UE: 51%. L-ewwel ħamsa:
    • Ġermanja: €1 biljun
    • Franza: €0.7 biljun
    • Netherlands: €0.4 biljun
    • Spanja: €0.4 biljun
    • Estonja: €0.2 biljun
  • Amerka ta' Fuq: 42%
  • Il-bqija tal-Ewropa: 5%
  • Asja: 1%
  • Oċeanja: 1%

Sorsi:

Informazzjoni ġenerali:

Suġġetti

L-aħħar reviżjoni: 4 ta' Frar 2025