Sikurezza online
Skopri kif l-UE tiżgura internet aktar sikur, u aktar sigur għal kulħadd.
L-UE u l-pajjiżi tagħha huma impenjati li jiżguraw li l-internet ikun ambjent sikur u sigur.
Ir-regoli tal-UE jiġġieldu l-kontenut illegali, jissalvagwardjaw id-drittijiet diġitali għall-utenti kollha, itejbu ċ-ċibersigurtà u jipprevjenu l-abbuż sesswali tat-tfal online.
Internet aktar sikur u trasparenti
L-att tal-UE dwar is-servizzi diġitali (DSA) jirrikjedi li l-pjattaformi online bħall-media soċjali, is-siti tal-kummerċ elettroniku u l-magni tat-tiftix ineħħu kontenut dannuż, inkluż fake news u prodotti illegali. Hija l-ewwel liġi li żżomm lill-kumpaniji diġitali responsabbli għall-kontenut tagħhom bl-għan li jitrawwem spazju online aktar sikur, aktar trasparenti u kompetittiv għall-utenti u n-negozji.
Protezzjoni tad-data fl-era diġitali
L-UE għandha l-aktar regoli b'saħħithom dwar il-protezzjoni tad-data fid-dinja u tqis il-protezzjoni tad-data personali bħala dritt fundamentali.
Skont il-GDPR,l-individwi għandhomaktar kontroll fuq id-data personali tagħhom u n-negozji jibbenefikaw minn kundizzjonijiet ekwi.
L-UE tissalvagwardja d-data personali użata mill-korpi tal-infurzar tal-liġi fir-rigward ta' kawżi kriminali.
Il-pjattaformi tax-xogħol mhumiex permessi jipproċessawdata personali sensittiva, inkluż l-istat emozzjonali, konverżazzjonijiet privati u data bijometrika.
Ir-rispons tal-UE għat-theddid ċibernetiku
L-UE qed taħdem fuq diversi fronti biex tippromwovi r-reżiljenza ċibernetika, tiġġieled iċ-ċiberkriminalità u ssaħħaħ iċ-ċiberdiplomazija u ċ-ċiberdifiża.
Ir-ransomware, li jillokkja l-kompjuter jew il-fajls li jinsabu fih u jitlob flus biex jiżblukkahom, u l-attakkiDDoS, li jipparalizzaw is-siti web bi traffiku falz, huma theddid ċibernetiku kbir.
Prevenzjoni tal-abbuż sesswali tat-tfal online
L-UE u l-pajjiżi tagħha jaħdmu flimkien biex jiġġieldu l-abbuż sesswali tat-tfal online u jipproteġu lill-vittmi permezz ta' strateġiji ta' salvagwardja mmirati.
Il-ħajja tiegħek online: kif l-UE qed tagħmilhielek aktar faċli u aktar sigura
L-Unjoni Ewropea qed ittejjeb l-ambjent diġitali għall-benefiċċju tal-Ewropej kollha.
Esplora l-artiklu fil-fond tagħna biex tara eżempji fil-ħajja reali ta' kif l-UE qed tagħmel l-internet aktar sikur għal kulħadd.
L-aħħar aħbarijiet
- Tassazzjoni tal-intrapriżi: Tina Humar eletta bħala president tal-grupp dwar il-kodiċi tal-kondotta tal-UE
- Id-dwana tal-UE: il-Kunsill u l-Parlament jiftiehmu dwar riforma storika
- Strateġija dwar l-investiment bl-imnut: il-Kunsill u l-Parlament jaqblu dwar pakkett li jagħti s-setgħa lill-konsumaturi filwaqt li jagħti spinta lis-swieq
L-aħħar spjegazzjonijiet
"Perkors għad-Deċennju Diġitali": il-pjan tal-UE li tikseb Ewropa diġitali sal-2030
Kif l-UE tipproteġi lill-minorenni online
Prevenzjoni tal-abbuż sesswali tat-tfal
L-aħħar reviżjoni: 15 ta' April 2026