Kunsill Agrikoltura u Sajd, 18/06/2019, 18 ta' Ġunju 2019

Riżultati ewlenin

Sajd

Fond Ewropew għall-Affarijiet Marittimi u s-Sajd 2021-2027

Il-FEMS huwa kruċjali biex tiġi żgurata implimentazzjoni tajba tal-objettivi tal-Politika Komuni tas-Sajd. Fil-passat l-effettività tiegħu ddgħajfet minn regoli kumplessi u l-burokrazija, iżda l-Kunsill huwa impenjat li jibdlu f'għodda flessibbli u li taħdem għas-servizz tas-sajjieda Ewropej. Petre Daea, Ministru għall-Agrikoltura u l-Iżvilupp Rurali tar-Rumanija u President tal-Kunsill

Il-Kunsill qabel dwar il-pożizzjoni ta’ negozjar tiegħu ("approċċ ġenerali parzjali") rigward il-proposta għal regolament dwar il-FEMS 2021–2027, bil-għan li jitrawwem settur tas-sajd dinamiku, jiġi appoġġat it-tiġdid ġenerazzjonali ta’ settur li qed jiqdiem, u jiġi żgurat livell ta’ għajxien ġust għall-komunitajiet kostali.

• Fond Ewropew għall-Affarijiet Marittimi u s-Sajd 2021-2027: Il-Kunsill huwa lest jinnegozja mal-Parlament Ewropew (stqarrija għall-istampa, 18/06/2019)
• Fond Ewropew għall-Affarijiet Marittimi u s-Sajd (informazzjoni ġenerali)

Opportunitajiet tas-sajd għall-2020

Il-Kunsill ingħata informazzjoni dwar komunikazzjoni mill-Kummissjoni dwar is-sitwazzjoni attwali tal-Politika Komuni tas-Sajd u rigward il-konsultazzjoni dwar l-opportunitajiet tas-sajd għall-2020.

Il-komunikazzjoni tal-Kummissjoni dwar l-opportunitajiet tas-sajd tagħti bidu għall-eżerċizzju annwali tal-istabbiliment tal-qabdiet totali permissibbli (TACs) u l-kwoti nazzjonali għas-sena ta’ wara. It-TACs għall-Baħar Baltiku ser jiġu stabbiliti f'Ottubru u għall-Baħar tat-Tramuntana f'Diċembru 2019.

• Ġestjoni tal-istokkijiet tal-ħut tal-UE (informazzjoni ġenerali)

Agrikoltura

Pakkett ta' riforma tal-Politika Agrikola Komuni (PAK) wara l-2020

F'sessjoni pubblika l-Kunsill iddiskuta rapport ta' progress tal-presidenza dwar il-ħidma li saret fil-Kunsill fuq il-proposti kollha tal-Kummissjoni tal-pakkett ta' riforma tal-PAK, li jinkludi regolamenti dwar il-pjanijiet strateġiċi tal-PAK, il-finanzjament, il-ġestjoni u l-monitoraġġ tal-PAK, u l-organizzazzjoni komuni tas-swieq fi prodotti agrikoli.

• Rapport ta’ progress tal-Presidenza dwar il-pakkett ta’ riforma tal-PAK wara l-2020

Suġġetti oħra fuq l-aġenda

Il-ministri ġew informati wkoll dwar:

• is-sitwazzjoni kritika tal-istokk tal-bakkaljaw tal-Baltiku tal-Lvant
• rakkomandazzjonijiet konġunti skont l-Artikolu 11 tal-Politika Komuni tas-Sajd
• ir-riżultat ta’ kungress dwar l-arkitettura ekoloġika tal-PAK wara l-2020 "Deeping into Eco-Schemes", li sar f’Zafra, Spanja, mid-29 sal-31 ta’ Mejju 2019

Barra minn dan, il-Kunsill adotta konklużjonijiet dwar il-bijosigurtà.

• Bijosigurtà u mard transkonfinali tal-annimali: Konklużjonijiet tal-Kunsill (stqarrija għall-istampa, 18/06/2019)