"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-ministri taw l-approvazzjoni finali għar-regolament dwar il-makkinarju.
Ir-regoli aġġornati ser jipprovdu ċertezza legali għall-industrija Ewropea tal-makkinarju għall-futur prevedibbli. Ser jiżguraw livell għoli ta' protezzjoni għall-ħaddiema tagħna u għaċ-ċittadini tagħna, filwaqt li jtejbu r-reputazzjoni tal-magni manifatturati fl-UE.
Paulina Brandberg, Ministru għall-Ugwaljanza bejn il-Ġeneri u l-Ħajja tax-Xogħol
Il-ministri adottaw pożizzjoni tal-Kunsill (approċċ ġenerali) dwar ir-Regolament dwar l-ekodisinn.
Ir-regolament il-ġdid jibni fuq id-Direttiva tal-2009 dwar l-Ekodisinn (2009/125/KE), li tkopri biss prodotti relatati mal-enerġija, u jibdilha f'regolament, applikabbli għal kważi l-kategoriji kollha ta' prodotti.
Jekk irridu prodotti Ewropej verament sostenibbli fis-suq, jeħtieġ li nindirizzaw il-kwistjoni mill-punt tat-tluq tad-disinn tagħhom. Ir-Regolament dwar l-ekodisinn ser jiżgura li l-prodotti mibjugħa fis-suq tal-UE jkunu adattati u lesti għat-tranżizzjoni ekoloġika.
Ebba Busch, Ministru għall-Enerġija, in-Negozju u l-Industrija u Viċi Prim Ministru
Il-ministri ddiskutew erba' fajls importanti relatati mal-kompetittività Ewropea:
Kompetittività fit-tul
Att dwar l-Industrija b'emissjonijiet żero netti
30 sena ta' Suq Uniku u lil hinn (waqt l-ikla ta' ħidma), u
Att dwar il-materja prima kritika.
Dawn l-erba' sessjonijiet taw lill-istati membri ħarsa fil-fond lejn il-pakkett importanti dwar il-kompetittività li l-Kummissjoni ppreżentat fis-16 ta' Marzu.
Dan id-dibattitu fil-livell tal-ministri ser jippermetti lill-Kunsill javvanza dwar il-pożizzjonijiet ta' negozjar għal dawn il-fajls.
Il-presidenza ħadet ukoll l-opportunità biex tiċċelebra d-dħul fis-seħħ tas-Sistema tal-Privattivi Unitarji fl-1 ta' Ġunju li ġej, wara proċess twil u kumpless li beda fl-2012.
Is-Sistema tal-Privattivi Unitarji ser tagħmel l-aċċess għas-sistema Ewropea tal-privattivi aktar faċli u irħas u ser ittejjeb il-livell ta' protezzjoni tal-privattivi, billi tagħmilha possibbli li tinkiseb protezzjoni uniformi tal-privattiva fl-istati membri parteċipanti kollha tal-UE.
Din ir-riżorsa bħalissa hi disponibbli biss bil-lingwa jew il-lingwi li ġejjin:
Il-Kunsill adotta konklużjonijiet dwar il-"pubblikazzjoni akkademika ta' kwalità għolja, trasparenti, miftuħa, affidabbli u ekwa", li fihom jappella għal aċċess miftuħ immedjat u mingħajr restrizzjonijiet fil-pubblikazzjoni tar-riċerka li tinvolvi fondi pubbliċi.
Jekk verament nemmnu fix-xjenza miftuħa, jeħtieġ li niżguraw li r-riċerkaturi jkunu jistgħu jagħmlu s-sejbiet tagħhom disponibbli u riutilizzabbli u li l-artikli xjentifiċi ta' kwalità għolja jkunu aċċessibbli b'mod miftuħ għal dawk kollha li jkollhom bżonn jaqrawhom. B'mod partikolari, dan għandu jkun il-każ għal riċerka li tibbenefika minn fondi pubbliċi: li tħallset minn kulħadd u għandha tkun aċċessibbli għal kulħadd.
Mats Persson, Ministru għall-Edukazzjoni, Ministeru għall-Edukazzjoni u r-Riċerka
Il-ministri kellhom skambju ta' fehmiet dwar is-sigurtà tal-għarfien u l-internazzjonalizzazzjoni responsabbli. Il-ministri ddiskutew il-protezzjoni ta' ambjent ta' riċerka miftuħ minn kwalunkwe forma ta' attività malizzjuża. Huma ddiskutew ukoll kif titrawwem kooperazzjoni dinjija b'mod li jippromwovi l-kondiviżjoni tal-għarfien u l-kompetenza esperta, filwaqt li jissalvagwardja l-interessi u l-valuri tal-UE. Il-ministri kkondividew l-aħjar prattiki u l-isfidi nazzjonali meta indirizzaw dawn iż-żewġ kwistjonijiet.
Taħt affarijiet oħra, il-ministri ġew infurmati mill-Kummissjoni Ewropea dwar is-Siġilli ta' Eċċellenza.
Id-delegazzjoni Taljana għamlet preżentazzjoni dwar il-kandidatura ta' Ruma biex tospita l-EXPO 2030.
Waqt ikla informali, il-ministri ddiskutew dwar iċ-ċaħda tax-xjenza.
Spazju
Użu ġust u sostenibbli tal-ispazju
Il-ministri adottaw konklużjonijiet tal-Kunsill dwar "Użu Ġust u Sostenibbli tal-Ispazju", fejn appellaw għal approċċ Ewropew għall-ġestjoni tat-traffiku fl-ispazju.
L-orbiti spazjali huma ġid komuni li kollha kemm aħna għandna bżonn nieħdu ħsiebu, mhux biss għalina iżda wkoll għall-ġenerazzjonijiet futuri. Jeħtieġ li nkomplu napprofittaw mill-opportunitajiet tat-teknoloġiji satellitari, iżda b'mod li jkun sostenibbli, sikur u ġust għall-popli kollha fid-dinja.
Mats Persson, Ministru għall-Edukazzjoni, Ministeru għall-Edukazzjoni u r-Riċerka
Il-ministri kellhom dibattitu ta' orjentazzjoni dwar il-Politika Spazjali tal-UE f'Xenarju Ġeopolitiku ġdid. Id-diskussjoni kienet ibbażata fuq il-komunikazzjoni konġunta tal-Kummissjoni u tas-SEAE "Strateġija Spazjali tal-Unjoni Ewropea għas-Sigurtà u d-Difiża" li ġiet ippreżentata fl-10 ta' Marzu 2023.
Il-ministri ddiskutew l-influwenza tal-Istrateġija Spazjali tal-UE għas-Sigurtà u d-Difiża fuq l-implimentazzjoni tal-Programmi Spazjali attwali u s-sinerġiji li jistgħu jinkisbu filwaqt li jiġu salvagwardati l-objettivi politiċi tal-programmi spazjali.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Ir-regoli aġġornati ser jipprovdu ċertezza legali għall-industrija Ewropea tal-makkinarju għall-futur prevedibbli. Ser jiżguraw livell għoli ta' protezzjoni għall-ħaddiema tagħna u għaċ-ċittadini tagħna, filwaqt li jtejbu r-reputazzjoni tal-magni manifatturati fl-UE.
Jekk irridu prodotti Ewropej verament sostenibbli fis-suq, jeħtieġ li nindirizzaw il-kwistjoni mill-punt tat-tluq tad-disinn tagħhom. Ir-Regolament dwar l-ekodisinn ser jiżgura li l-prodotti mibjugħa fis-suq tal-UE jkunu adattati u lesti għat-tranżizzjoni ekoloġika.
Jekk verament nemmnu fix-xjenza miftuħa, jeħtieġ li niżguraw li r-riċerkaturi jkunu jistgħu jagħmlu s-sejbiet tagħhom disponibbli u riutilizzabbli u li l-artikli xjentifiċi ta' kwalità għolja jkunu aċċessibbli b'mod miftuħ għal dawk kollha li jkollhom bżonn jaqrawhom. B'mod partikolari, dan għandu jkun il-każ għal riċerka li tibbenefika minn fondi pubbliċi: li tħallset minn kulħadd u għandha tkun aċċessibbli għal kulħadd.
