"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Kompetittività (Suq intern u industrija), 2 ta' Marzu 2023
Riżultati ewlenin
Servizzi finanzjarji mill-bogħod
Il-ministri qablu dwar approċċ ġenerali rigward id-direttiva dwar kuntratti ta' servizzi finanzjarji konklużi mill-bogħod.
Din id-direttiva hija pass ieħor lejn tranżizzjoni diġitali li tibqa' valida fil-futur fil-qasam tas-servizzi finanzjarji. L-aġġornament tal-leġiżlazzjoni tal-2002 jiżgura livell għoli ta' protezzjoni tal-konsumatur u jsaħħaħ il-qafas leġiżlattiv għall-forniment ta' servizzi finanzjarji innovattivi għall-konsumaturi fis-suq uniku.
Gunnar Strömmer, Ministru għall-Ġustizzja tal-Iżvezja
L-approċċ ġenerali jinkludi l-possibbiltà li l-istati membri japplikaw obbligi ta' informazzjoni aktar stretti; jiċċara kif id-dispożizzjonijiet jikkomplementaw il-leġiżlazzjoni eżistenti, jestendi waħda mill-karatteristiċi tal-proposta tal-Kummissjoni, l-hekk imsejħa buttuna ta' rtirar, mhux biss għas-servizzi finanzjarji iżda wkoll għall-prodotti u s-servizzi kollha mixtrija mill-bogħod, u jintroduċi dritt għall-konsumaturi li jitolbu intervent uman meta l-kummerċjant juża għodod online, bħall-pariri awtomatizzati jew iċ-chatbots, biex jifhem l-effetti li l-kuntratt jista' jkollu fuq is-sitwazzjoni finanzjarja tiegħu jew tagħha.
Servizzi ta' kiri ta' akkomodazzjoni għal żmien qasir
Il-ministri approvaw il-pożizzjoni ta' negozjar tal-Kunsill (approċċ ġenerali) rigward proposta għal regolament dwar il-ġbir u l-kondiviżjoni ta' data relatata ma' servizzi ta' kiri ta' akkomodazzjoni għal żmien qasir.
Dan ir-regolament ser ikun ta' benefiċċju wkoll għall-atturi tal-qasam tal-kiri ta' akkomodazzjoni għal żmien qasir: l-ospitanti ser ikollhom proċedura ta' reġistrazzjoni faċli, il-pjattaformi ser ikollhom sett wieħed ta' regoli għall-informazzjoni li għandhom jipprovdu, il-vjaġġaturi ser ikunu protetti aħjar mill-frodi u l-awtoritajiet ser ikunu jistgħu jirregolaw abbażi ta' data preċiża u affidabbli.
Ebba Busch, Ministru għall-Enerġija, in-Negozju u l-Industrija u Viċi Prim Ministru tal-Iżvezja
Fl-approċċ ġenerali tiegħu, li ġie maqbul malajr, il-Kunsill jappoġġa l-objettivi tal-proposta tal-Kummissjoni li jiġi stabbilit qafas koerenti għall-ġbir ta' data pprovduta minn pjattaformi online, filwaqt li jittieħed kont tas-sistemi ta' reġistrazzjoni li diġà huma fis-seħħ f'xi stati membri.
Kompetittività u produttività fit-tul fis-suq uniku
Il-kompetittività hija waħda mill-prijoritajiet tal-Presidenza Żvediża. Fl-okkażjoni tat-30 anniversarju tas-suq uniku (maħluq fl-1 ta' Jannar 1993), il-presidenza organizzat l-ewwel djalogu dwar miżuri għal żmien qasir biex tingħata spinta lill-kompetittività, fil-Kunsill tal-Kompetittività informali tas-6 ta' Frar 2023. Id-diskussjoni tal-lum kienet segwitu ffukat fuq il-kompetittività fit-tul. Id-djalogu kien strutturata madwar ħames pilastri:
ekonomija tas-suq
kummerċ miftuħ
regolamentazzjoni aħjar
innovazzjoni
provvista sigura tal-enerġija
Din id-diskussjoni żżid mal-konklużjonijiet tal-Kunsill Ewropew tal-15 ta' Diċembru 2022 u d-9 ta' Frar 2023 dwar dawn il-kwistjonijiet, u ma' għadd ta' proposti tal-Kummissjoni bħall-pjan industrijali tal-Patt Ekoloġiku għall-era ta' emissjonijiet żero netti (ippreżentat fl-1 ta' Frar 2023 u diskuss waqt l-ikla ta' nofsinhar) u l-komunikazzjoni imminenti dwar it-30 sena tas-suq uniku u l-istrateġija biex tingħata spinta lit-tkabbir u l-produttività. Tkellmu wkoll il-Viċi President tal-Kummissjoni Vestager, il-Kummissarju Breton u l-President tal-Grupp ta' Livell Għoli dwar il-kompetittività, Daniel Blockert.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Din id-direttiva hija pass ieħor lejn tranżizzjoni diġitali li tibqa' valida fil-futur fil-qasam tas-servizzi finanzjarji. L-aġġornament tal-leġiżlazzjoni tal-2002 jiżgura livell għoli ta' protezzjoni tal-konsumatur u jsaħħaħ il-qafas leġiżlattiv għall-forniment ta' servizzi finanzjarji innovattivi għall-konsumaturi fis-suq uniku.
Dan ir-regolament ser ikun ta' benefiċċju wkoll għall-atturi tal-qasam tal-kiri ta' akkomodazzjoni għal żmien qasir: l-ospitanti ser ikollhom proċedura ta' reġistrazzjoni faċli, il-pjattaformi ser ikollhom sett wieħed ta' regoli għall-informazzjoni li għandhom jipprovdu, il-vjaġġaturi ser ikunu protetti aħjar mill-frodi u l-awtoritajiet ser ikunu jistgħu jirregolaw abbażi ta' data preċiża u affidabbli.
