"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza informali tal-ministri għall-ekonomija u l-finanzi, 6 ta' Settembru 2021
Riżultati ewlenin
Il-ministri ħadu kont tal-irkupru ekonomiku fl-Ewropa. Huma kellhom diskussjoni dwar id-deċiżjonijiet ta’ implimentazzjoni tal-Kunsill dwar l-approvazzjoni tal-pjanijiet nazzjonali għall-irkupru u r-reżiljenza għaċ-Ċekja u l-Irlanda u laqgħu l-valutazzjoni pożittiva tal-Kummissjoni tat-tnejn li huma. Id-deċiżjonijiet ser jiġu adottati permezz ta’ proċedura bil-miktub sat-8 ta’ Settembru, li tippermetti liż-żewġ pajjiżi jibdew dalwaqt jimplimentaw ir-riformi u l-investimenti ppjanati tagħhom. Iċ-Ċekja ser tkun tista’ tirċievi wkoll il-prefinanzjament mitlub ta’ 13 %.
Qed nimxu 'l quddiem bl-irkupru ekonomiku Ewropew. Illum, iddiskutejna żewġ pjanijiet nazzjonali oħra. Iċ-Ċekja u l-Irlanda ser ikunu jistgħu jibdew dalwaqt bl-implimentazzjoni tar-riformi u l-investimenti biex isaħħu l-ekonomiji tagħhom. Bl-appoġġ tal-Faċilità għall-Irkupru u r-Reżiljenza, għandna l-opportunità li nerġgħu nagħtu l-ħajja lill-ekonomija tagħna wara l-pandemija tal-Covid-19 u nibnu futur aħjar għaċ-ċittadini tagħna.
Andrej Šircelj, Ministru għall-Finanzi tas-Slovenja
Ladarba d-deċiżjoni dwar il-pjanijiet Ċeki u Irlandiżi tiġi approvata formalment din il-ġimgħa, ikunu diġà ġew adottati 18-il pjan nazzjonali. Illum, il-ministri kellhom ukoll skambju ta' fehmiet dwar l-implimentazzjoni tal-Faċilità għall-Irkupru u r-Reżiljenza (RRF). Il-faċilità, b'valur ta' €672.5 biljun, hija l-istrument ewlieni tal-pakkett għall-irkupru tan-Next Generation EU imfassal biex tgħin lill-Ewropa toħroġ aktar b'saħħitha mill-pandemija tal-COVID-19. Biex jirċievu appoġġ mill-RRF, l-istati membri jridu jissottomettu l-pjanijiet tagħhom għall-irkupru u r-reżiljenza u jaraw li dawn jiġu vvalutati u approvati.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Qed nimxu 'l quddiem bl-irkupru ekonomiku Ewropew. Illum, iddiskutejna żewġ pjanijiet nazzjonali oħra. Iċ-Ċekja u l-Irlanda ser ikunu jistgħu jibdew dalwaqt bl-implimentazzjoni tar-riformi u l-investimenti biex isaħħu l-ekonomiji tagħhom. Bl-appoġġ tal-Faċilità għall-Irkupru u r-Reżiljenza, għandna l-opportunità li nerġgħu nagħtu l-ħajja lill-ekonomija tagħna wara l-pandemija tal-Covid-19 u nibnu futur aħjar għaċ-ċittadini tagħna.