"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Affarijiet Ekonomiċi u Finanzjarji, 18 ta' Ġunju 2021
Riżultati ewlenin
Il-ministri tal-UE għall-ekonomija u l-finanzi evalwaw l-irkupru ekonomiku fl-Ewropa, kellhom skambju ta' fehmiet dwar il-fajls attwali tal-VAT u s-sitwazzjoni attwali tal-unjoni bankarja. Huma ddiskutew ukoll is-sostenibbiltà fiskali fil-qafas tas-Semestru Ewropew 2021.
Irkupru ekonomiku
Il-ministri kellhom skambju ta' fehmiet dwar l-implimentazzjoni tal-Faċilità għall-Irkupru u r-Reżiljenza (RRF). L-RRF tinsab fil-qalba tal-pjan ta' rkupru tal-UE ta' Next Generation EU. Ser tqiegħed għad-dispożizzjoni €672.5 biljun f'għotjiet u self għall-investiment pubbliku u r-riformi fl-istati membri biex tgħinhom jindirizzaw l-impatt tal-pandemija tal-COVID-19, biex irawmu t-tranżizzjonijiet ekoloġiċi u diġitali u biex jibnu soċjetajiet reżiljenti u inklużivi.
Qed indawru l-paġna fir-rigward ta' din il-kriżi. L-irkupru tal-ekonomija Ewropea jinsab għaddej. Aħna kburin bir-rispons komuni tagħna mingħajr preċedent għall-kriżi. Is-27 stat membru rratifikaw id-deċiżjoni dwar ir-riżorsi proprji fi żmien rekord. Din il-ġimgħa l-Kummissjoni approvat l-ewwel pjanijiet nazzjonali. Fl-aħħar nett, l-Ewropa marret fis-swieq biex tiffinanzja l-pakkett ta' rkupru li ser jiggarantixxi rkupru rapidu u b'saħħtu.
João Leão, Ministru għall-Finanzi tal-Portugall
Il-ministri adottaw rakkomandazzjoni skont il-proċedura ta' defiċit eċċessiv għar-Rumanija. Hija tistabbilixxi skadenza ġdida sabiex ir-Rumanija ittejjeb is-sitwazzjoni fiskali tagħha għall-2024. Il-Kunsill adotta wkoll ir-rakkomandazzjonijiet dwar il-programmi aġġornati ta' stabbiltà jew ta' konverġenza tal-istati membri fil-qafas tas-Semestru Ewropew 2021.
Il-Kunsill approva konklużjonijiet dwar l-isfidi għas-sostenibbiltà fiskali li jirriżultaw minn popolazzjoni li qed tixjieħ.
Il-Ministri kellhom dibattitu ta' orjentazzjoni importanti dwar id-direzzjoni li għandha tittieħed fir-rigward tal-elementi ewlenin tal-proposta dwar ir-rati tal-VAT. Huma ddiskutew ukoll il-proposta ta' "xiri u għoti ta' donazzjoni", li għandha l-għan li tippermetti lill-Kummissjoni u lil korpi oħra tal-UE jixtru oġġetti u servizzi meħtieġa għall-ġlieda kontra ċerti emerġenzi, bħall-pandemija tal-COVID-19 b'eżenzjoni mill-VAT u li jqassmuhom mingħajr ħlas lill-istati membri. Il-Kummissjoni ppreżentat din il-proposta f'April 2021.
Unjoni bankarja
Il-Kunsill ħa nota tar-rapport ta' progress dwar it-tisħiħ tal-unjoni bankarja.
Il-presidenza infurmat lill-ministri dwar is-sitwazzjoni attwali tal-proposti leġiżlattivi dwar is-servizzi finanzjarji.
Laqgħat internazzjonali
Il-ministri approvaw ukoll it-termini ta' referenza għal-laqgħa tal-ministri għall-finanzi u l-gvernaturi tal-banek ċentrali tal-G20 li ser issir mis-7 sal-10 ta' Lulju 2021.
Dokumenti tal-laqgħat
Dokumenti ta' tħejjija
Din ir-riżorsa bħalissa hi disponibbli biss bil-lingwa jew il-lingwi li ġejjin:
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Qed indawru l-paġna fir-rigward ta' din il-kriżi. L-irkupru tal-ekonomija Ewropea jinsab għaddej. Aħna kburin bir-rispons komuni tagħna mingħajr preċedent għall-kriżi. Is-27 stat membru rratifikaw id-deċiżjoni dwar ir-riżorsi proprji fi żmien rekord. Din il-ġimgħa l-Kummissjoni approvat l-ewwel pjanijiet nazzjonali. Fl-aħħar nett, l-Ewropa marret fis-swieq biex tiffinanzja l-pakkett ta' rkupru li ser jiggarantixxi rkupru rapidu u b'saħħtu.
