"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza informali tal-ministri għall-ekonomija u l-finanzi, 26 ta' Lulju 2021
Riżultati ewlenin
Il-ministri ffukaw fuq l-irkupru ekonomiku fl-Ewropa. Kellhom skambju ta' fehmiet dwar id-deċiżjonijiet ta' implimentazzjoni tal-Kunsill dwar l-approvazzjoni tal-pjanijiet nazzjonali għall-irkupru u r-reżiljenza għall-Kroazja, Ċipru, il-Litwanja u s-Slovenja. Sabiex id-deċiżjonijiet jiġu adottati formalment, il-proċedura bil-miktub ser tinbeda ftit wara l-laqgħa informali tal-lum. Fi tmiem il-proċedura bil-miktub, dawn l-erba' stati membri ser ikunu jistgħu jiffirmaw ftehimiet ta' għoti u self u jirċievu prefinanzjament mill-Faċilità tal-UE għall-Irkupru u r-Reżiljenza.
Il-ministri ddiskutew ukoll l-implimentazzjoni ulterjuri tal-Faċilità għall-Irkupru u r-Reżiljenza. Il-faċilità ser tagħmel disponibbli total ta' € 672.5 biljun f'għotjiet u self biex jitrawwem l-irkupru mill-pandemija tal-COVID-19. Il-fondi ser jintużaw għal riformi u investimenti fl-istati membri, b'mod li jappoġġa t-tranżizzjoni klimatika u t-trasformazzjoni diġitali tal-UE.
Inkomplu bil-ħidma fuq l-irkupru ekonomiku Ewropew. Wara l-laqgħa informali tagħna llum, għandna aħbar tajba għall-Kroazja, Ċipru, il-Litwanja u s-Slovenja. Dalwaqt ser ikunu jistgħu jibdew jirċievu l-fondi u jibdew jimplimentaw il-pjanijiet tagħhom għall-irkupru u r-reżiljenza. Sena wara li l-mexxejja tal-UE qablu dwar il-ftehim storiku dwar il-pakkett għall-irkupru, aktar minn nofs l-istati membri tagħna issa huma lesti li jagħtu bidu għar-riformi u l-investimenti meħtieġa biex l-ekonomija tagħna ssir adattata għall-futur.
Andrej Šircelj, Ministru għall-Finanzi tas-Slovenja
Il-ministri evalwaw il-pakkett tal-Kummissjoni Ewropea kontra l-ħasil tal-flus li ġie adottat dan l-aħħar. Il-pakkett għandu l-għan li jtejjeb il-qafas eżistenti tal-UE, filwaqt li jqis l-isfidi l-ġodda relatati mal-innovazzjoni teknoloġika. Huwa jagħmel parti mill-isforzi tal-UE fil-ġlieda kontra l-ħasil tal-flus u l-finanzjament tat-terroriżmu sabiex jiġi evitat l-użu ħażin tas-suq finanzjarju.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Inkomplu bil-ħidma fuq l-irkupru ekonomiku Ewropew. Wara l-laqgħa informali tagħna llum, għandna aħbar tajba għall-Kroazja, Ċipru, il-Litwanja u s-Slovenja. Dalwaqt ser ikunu jistgħu jibdew jirċievu l-fondi u jibdew jimplimentaw il-pjanijiet tagħhom għall-irkupru u r-reżiljenza. Sena wara li l-mexxejja tal-UE qablu dwar il-ftehim storiku dwar il-pakkett għall-irkupru, aktar minn nofs l-istati membri tagħna issa huma lesti li jagħtu bidu għar-riformi u l-investimenti meħtieġa biex l-ekonomija tagħna ssir adattata għall-futur.