"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Affarijiet Ekonomiċi u Finanzjarji, 13 ta' Lulju 2021
Riżultati ewlenin
Il-ministri ffukaw fuq l-irkupru ekonomiku. Huma adottaw l-ewwel sett ta' deċiżjonijiet ta' implimentazzjoni tal-Kunsill dwar l-approvazzjoni ta' 12-il pjan nazzjonali għall-irkupru u r-reżiljenza.
L-Awstrija, il-Belġju, id-Danimarka, Franza, il-Ġermanja, il-Greċja, l-Italja, il-Latvja, il-Lussemburgu, il-Portugall, is-Slovakkja u Spanja issa jistgħu jiffirmaw ftehimiet ta' għotjiet u self u jibdew jirċievu fondi mill-Faċilità tal-UE għall-Irkupru u r-Reżiljenza.
Il-ministri qasmu wkoll l-fehmiet tagħhom kif tista' tkompli l-implimentazzjoni tal-Faċilità għall-Irkupru u r-Reżiljenza. Il-Faċilità ser tagħmel disponibbli total ta' €672.5 biljun f'għotjiet u self għal riformi u investimenti fl-istati membri. L-użu tal-fondi ser jagħti spinta lill-irkupru wara l-pandemija tal-COVID-19 u jappoġġa t-tranżizzjoni klimatika u t-trasformazzjoni diġitali tal-UE.
Illum għandna aħbarijiet eċċellenti għall-irkupru tal-Ewropa. Approvajna l-ewwel sett ta' deċiżjonijiet ta' implimentazzjoni dwar il-pjanijiet nazzjonali għall-irkupru u r-reżiljenza. 12-Il stat membru issa jistgħu jiffirmaw il-ftehimiet ta' finanzjament u jiksbu l-fondi biex jixprunaw l-irkupru. Billi niffukaw ir-riformi u l-investimenti tagħna fuq miri ekoloġiċi u diġitali, nistgħu noħorġu mill-kriżi aktar b'saħħitna. Din hija opportunità bħal qatt qabel biex nagħtu sura ġdida lill-ekonomija tagħna u nagħmluha aktar reżiljenti għall-futur.
Andrej Šircelj, Ministru għall-Finanzi tas-Slovenja
Fond għall-irkupru: l-UE tagħti riżultati (Infografika)
Semestru Ewropew
Il-ministri approvaw il-konklużjonijiet dwar l-analiżijiet fil-fond tal-2021 għal 12-il stat membru fil-kuntest tas-Semestru Ewropew. L-eżamijiet huma parti mill-proċedura tal-iżbilanċi makroekonomiċi u jibnu fuq ir-rapport dwar il-mekkaniżmu ta' twissija għall-2021.
Il-Presidenza Slovena ppreżentat il-programm ta' ħidma tagħha fil-qasam tal-ekonomija u l-finanzi għal Lulju-Diċembru 2021. Il-ministri kellhom diskussjoni ġenerali dwar l-istrateġija ta' finanzjament sostenibbli reċenti tal-UE u l-proposta għal standard ta' bond ekoloġiku tal-UE. Il-presidenza ppreżentat ukoll is-sitwazzjoni preżenti tal-proposti leġiżlattivi dwar is-servizzi finanzjarji.
Il-ministri ġew infurmati dwar ir-riżultati tal-laqgħa tal-ministri għall-finanzi tal-G20 u tal-gvernaturi tal-Bank Ċentrali tad-9 u l-10 ta' Lulju 2021.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Illum għandna aħbarijiet eċċellenti għall-irkupru tal-Ewropa. Approvajna l-ewwel sett ta' deċiżjonijiet ta' implimentazzjoni dwar il-pjanijiet nazzjonali għall-irkupru u r-reżiljenza. 12-Il stat membru issa jistgħu jiffirmaw il-ftehimiet ta' finanzjament u jiksbu l-fondi biex jixprunaw l-irkupru. Billi niffukaw ir-riformi u l-investimenti tagħna fuq miri ekoloġiċi u diġitali, nistgħu noħorġu mill-kriżi aktar b'saħħitna. Din hija opportunità bħal qatt qabel biex nagħtu sura ġdida lill-ekonomija tagħna u nagħmluha aktar reżiljenti għall-futur.
