"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Kunsill Impjiegi, Politika Soċjali, Saħħa u Affarijiet tal-Konsumatur
Kunsill Impjiegi, Politika Soċjali, Saħħa u Affarijiet tal-Konsumatur (Saħħa), 6 ta' Marzu 2020
Riżultati ewlenin
Abbażi ta' nota mill-Presidenza, il-ministri qiesu s-sitwazzjoni attwali, li evolviet b'mod sinifikanti matul l-aħħar ftit ġimgħat. Huma kellhom skambju ta' fehmiet dwar l-aħjar mod kif jiġi żgurat rispons ikkoordinat għat-tifqigħa attwali ta' COVID-19 fl-UE.
Il-protezzjoni tas-saħħa pubblika hija l-prijorità ewlenija tagħna. Ir-rispons tal-UE għat-tifqigħa u l-kooperazzjoni bejn il-partijiet kollha kienu tajbin ħafna, iżda s-sitwazzjoni nbidlet. Id-dibattitu tagħna llum wera li l-istati membri jinsabu lesti li jadattaw ir-rispons tagħhom, isaħħu l-kooperazzjoni tagħhom u jieħdu l-miżuri xierqa biex jiffokaw kemm fuq il-prevenzjoni kif ukoll fuq it-trattament.
Vili Beroš, ministru għas-Saħħa tal-Kroazja
Id-dibattitu kkonferma li l-aħjar kontribut biex tiġi protetta s-saħħa taċ-ċittadini tal-UE huwa billi tissaħħaħ is-solidarjetà, il-kooperazzjoni u l-iskambju ta' informazzjoni skont l-impenji meħuda fil-laqgħa tal-Kunsill tat-13 ta' Frar 2020.
Il-ministri qablu li sabiex tiġi miġġielda t-tifqigħa ta' COVID-19, kien importanti li titkabbar is-sensibilizzazzjoni kollettiva u individwali dwar it-theddida kkawżata mill-COVID-19, tissaħħaħ il-protezzjoni ta' persuni f'riskju u l-anzjani, u jiġu stabbiliti miżuri ta' konteniment koerenti, inkluż pariri ibbażati fuq l-evidenza dwar l-ivvjaġġar lejn u minn żoni ta' riskju. Il-ministri enfasizzaw ukoll il-ħtieġa għal monitoraġġ fil-livell Ewropew tad-disponibbiltà ta' tagħmir mediku u mediċini fl-UE bil-għan li jiġu żgurati l-produzzjoni, l-istokkjar, id-disponibbiltà u l-użu razzjonali ta' tagħmir protettiv fl-Unjoni.
Id-delegazzjonijiet laqgħu l-appoġġ mobilizzat s'issa mill-Kummissjoni Ewropea, b'mod partikolari rigward is-saħħa pubblika, ir-riċerka u l-protezzjoni ċivili.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-protezzjoni tas-saħħa pubblika hija l-prijorità ewlenija tagħna. Ir-rispons tal-UE għat-tifqigħa u l-kooperazzjoni bejn il-partijiet kollha kienu tajbin ħafna, iżda s-sitwazzjoni nbidlet. Id-dibattitu tagħna llum wera li l-istati membri jinsabu lesti li jadattaw ir-rispons tagħhom, isaħħu l-kooperazzjoni tagħhom u jieħdu l-miżuri xierqa biex jiffokaw kemm fuq il-prevenzjoni kif ukoll fuq it-trattament.