Kunsill Impjiegi, Politika Soċjali, Saħħa u Affarijiet tal-Konsumatur, 08/07/2019, 8 ta' Lulju 2019

Riżultati ewlenin

Impjiegi u Politika Soċjali

Il-ministri kellhom dibattitu ta' orjentazzjoni dwar l-Ekonomija tal-benesseri. Id-diskussjoni kienet ibbażata fuq nota ta' gwida tal-presidenza.

Angel Gurria, is-Segretarju Ġenerali tal-OECD, ta bidu għad-dibattitu. Huwa ppreżenta s-sejbiet tal-OECD dwar is-suġġett, kif jinsabu fin-nota ta' informazzjoni kkummissjonata mill-Presidenza Finlandiża.

Dan id-dibattitu kien f'waqtu ħafna. Bħalissa l-UE qed tesperjenza tkabbir ekonomiku kontinwu u livelli rekord ta' impjiegi. Iżda sa meta? In-nies huma l-assi ewlenin tagħna u nistgħu niksbu tkabbir sostenibbli fit-tul biss billi ntejbu l-benessri tagħhom. Aino-Kaisa Pekonen, Ministru għall-Affarijiet Soċjali u s-Saħħa tal-Finlandja

Il-ministri approvaw ir-rakkomandazzjonijiet speċifiċi għall-pajjiżi (CSR) li jaqgħu taħt ir-responsabbiltà tal-EPSCO.

• Abbozz ta' rakkomandazzjonijiet tal-Kunsill - approvazzjoni
• Rakkomandazzjonijiet tal-Kunsill dwar il-programmi nazzjonali ta' riforma 2019

Is-CSRs ser jiġu adottati formalment mill-Kunsill ECOFIN fid-9 ta' Lulju.

Il-ministri approvaw ukoll l-opinjonijiet tal-Kumitat tal-Impjiegi (EMCO) u tal-Kumitat tal-Protezzjoni Soċjali (SPC):

• Approvazzjoni tal-opinjonijiet tal-EMCO u tal-SPC
• Konklużjonijiet tar-rieżami tematiku tal-EMCO 2018-2019 u Eżami tal-Pajjiż

  Din ir-riżorsa bħalissa hi disponibbli biss bil-lingwa jew il-lingwi li ġejjin:

  EN
• Rieżamijiet ta' implimentazzjoni multilaterali tal-SPC tas-CSRs tal-2018

  Din ir-riżorsa bħalissa hi disponibbli biss bil-lingwa jew il-lingwi li ġejjin:

  EN

Dawn jipprovdu valutazzjoni tal-isfidi tal-impjiegi u tal-protezzjoni soċjali fil-programmi nazzjonali ta' riforma tal-2019 u jeżaminaw l-implimentazzjoni tas-CSRs tal-2018.

Il-Kunsill adotta deċiżjoni dwar linji gwida għal-linji politiċi dwar l-impjiegi (EGLs) tal-Istati Membri.

Il-ministri kellhom dibattitu pubbliku dwar l-aspetti tal-impjiegi u l-politika soċjali tal-istrateġija "Pjaneta nadifa għal kulħadd", abbażi ta' nota ta' gwida tal-presidenza.

Id-dibattitu tal-lum ikkonferma l-importanza li jitqies l-impatt soċjali tat-tranżizzjoni għal ekonomija b'effett newtrali fuq il-klima. Jeħtieġ li noffru liċ-ċittadini Ewropej ambjent ta' tama, inħeġġu lill-ħaddiema jiksbu ħiliet u kompetenzi ġodda, nipprovdu lill-intraprendituri b'opportunitajiet ġodda ta’ negozju, u nappoġġaw setturi u komunitajiet li jeħtieġu jadattaw ruħhom għal ekonomija sostenibbli. Tranżizzjoni ġusta hija l-għan komuni u l-interess vitali tagħna. Timo Harakka, Ministru għax-Xogħol tal-Finlandja

Affarijiet oħra

Il-Kummissjoni infurmat lill-ministri dwar żviluppi internazzjonali fil-politiki dwar l-impjiegi u l-affarijiet soċjali.