Summit taż-Żona tal-Euro, 16/05/2015, 22 ta' Ġunju 2015

Riżultati ewlenin

Il-mexxejja kellhom skambju ta’ fehmiet dwar il-Greċja u ċċaraw il-pożizzjonijiet u s-sitwazzjoni fit-taħditiet li għaddejjin bejn l-awtoritajiet Griegi u l-istituzzjonijiet (il-Kummissjoni Ewropea, il-Bank Ċentrali Ewropew u l-Fond Monetarju Internazzjonali). 

Il-President tas-Summit taż-Żona tal-Euro Donald Tusk qal li l-aħħar proposti għall-pjan ta' riformi mill-awtoritajiet Griegi kienu pass 'il quddiem pożittiv, iżda nnota li l-proposti jeħtieġu valutazzjoni ulterjuri mill-istituzzjonijiet.

Il-Greċja mistennija li tippreżenta pjan komprensiv ta’ riformi biex tikseb aktar żborż ta’ assistenza finanzjarja skont il-ftehim tal-20 ta’ Frar 2015. Hija ppreżentat l-aħħar proposta tagħha fit-22 ta’ Ġunju 2015.

''Il-ħidma issa jeħtieġ tipproċedi malajr fil-Grupp tal-Euro. Il-Prim Ministru Tsipras u l-istituzzjonijiet issa ser jaħdmu flimkien, sabiex il-Grupp tal-Euro jkun jista’ jikseb riżultat nhar l-Erbgħa filgħaxija, li jista' jiġi ppreżentat il-Ħamis filgħodu", qal il-President Tusk. 

Ara wkoll

• Dikjarazzjoni mill-President Donald Tusk dwar is-Summit taż-Żona tal-Euro nhar it-Tnejn 22 ta’ Ġunju 2015
• Ittra ta' stedina mill-President Donald Tusk għas-Summit taż-Żona tal-Euro
• Il-President Donald Tusk isejjaħ Summit taż-Żona tal-Euro dwar il-Greċja
• Laqgħa tal-Grupp tal-Euro, 18/06/2015
• Dikjarazzjoni tal-Grupp tal-Euro dwar il-Greċja, 20 ta' Frar 2015
• Summit dwar l-Euro