Summit taż-Żona tal-Euro

Summit tal-Euro, 16 ta' Diċembru 2021

Riżultati ewlenin

Is-Summit tal-Euro sar f'format inklużiv mal-mexxejja kollha tal-UE 27, u ffoka fuq l-irkupru ekonomiku u l-progress fil-kisba tal-Unjoni Ekonomika u Monetarja.

F'dikjarazzjoni, il-mexxejja tal-UE għarfu li r-rispons qawwi, rapidu u koordinat tal-politika ekonomika tal-UE u tal-istati membri tagħha kien qed iwassal għal irkupru robust mill-kriżi tal-COVID-19. Huma ddikjaraw ukoll li jibqgħu determinati u aġli fir-rispons tagħhom.

Dikjarazzjoni tas-Summit tal-Euro, 16 ta' Diċembru 2021

Perspettiva ekonomika

Il-mexxejja tal-UE ħadu nota tal-ittra mibgħuta mill-President tal-Grupp tal-Euro fl-10 ta' Diċembru 2021, u tad-dikjarazzjoni tal-Grupp tal-Euro dwar l-abbozzi ta' pjanijiet baġitarji għall-2022. Huma enfasizzaw l-importanza ta' koordinazzjoni mill-qrib kontinwa tal-politiki fiskali taż-żona tal-euro biex jiġi stabbilit irkupru sostenibbli u inklużiv.

Unjoni bankarja u unjoni tas-swieq kapitali

Il-mexxejja tal-UE nnutaw li unjoni bankarja kompluta u unjoni tas-swieq kapitali profonda, integrata u li tiffunzjona tajjeb huma kruċjali biex niżguraw sistema finanzjarja stabbli, li tappoġġja l-kompetittività tal-UE u tidderieġi l-finanzjament meħtieġ għat-tranżizzjoni ekoloġika u dik diġitali.

F'dan il-kuntest, il-mexxejja tal-UE jistennew bil-ħerqa d-dħul fis-seħħ tal-ftehim li jemenda t-Trattat dwar il-Mekkaniżmu Ewropew ta' Stabbiltà u l-introduzzjoni tal-garanzija ta' kontinġenza għall-Fond Uniku ta' Riżoluzzjoni kemm jista' jkun malajr.

Filwaqt tennew l-impenn politiku lejn l-unjoni bankarja, il-mexxejja tal-UE stiednu lill-Grupp tal-Euro f'format inklużiv, biex jiffinalizza pjan ta' ħidma pass pass u marbut biż-żmien li jfassal it-triq għat-tlestija tagħha.

Il-mexxejja tal-UE appellaw ukoll biex jitħaffef l-approfondiment tal-unjoni tas-swieq kapitali.

Dokumenti tal-laqgħat

Dokumenti ta' tħejjija

Aġenda proviżorja

Stqarrijiet għall-istampa

Dikjarazzjoni tas-Summit tal-Euro, 16 ta' Diċembru 2021
- 17/12/2021

Tagħrif għall-istampa

Kuntatti għall-istampa

Symeon Piperidis Press officer
+32 478 83 12 21
+32 2 281 84 72

Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.

Akkreditazzjoni u avvenimenti għall-istampa

Għal informazzjoni ġenerali dwar l-akkreditazzjoni, jekk jogħġbok żur din il-paġna.

L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.

Kompli segwina

Irreġistra għall-allerti bl-email tagħna biex tirċievi aġġornamenti dwar din il-laqgħa u laqgħat simili.