Grupp tal-Euro, 20/02/2015, 20 ta' Frar 2015

Riżultati ewlenin

Greċja

Il-ministri għall-finanzi taż-żona tal-euro qablu li jqisu l-estensjoni tal-assistenza finanzjarja lill-Greċja, magħrufa formalment bħala l-Ftehim Kwadru dwar il-Faċilità ta’ Assistenza Finanzjarja, għal massimu ta’ 4 xhur. Dan wara talba mill-awtoritajiet Griegi li saret fid-19 ta’ Frar.   

Fit-23 ta' Frar il-gvern Grieg se jippreżenta l-ewwel lista ta’ miżuri ta’ riforma skont il-ftehimiet eżistenti.

Din se tiġi eżaminata mill-istituzzjonijiet biex jiddeterminaw jekk hix komprensiva biżżejjed biex tkun punt ta’ tluq validu għal konklużjoni b’suċċess tal-eżami tal-programm attwali tal-Greċja. 

Konklużjoni b’suċċess tal-eżami tippermetti l-iżborż tal-porzjon pendenti tal-programm attwali tal-EFSF.”  Jeroen Dijsselbloem, President tal-Grupp tal-Euro   

• Dikjarazzjoni tal-Grupp tal-Euro dwar il-Greċja, 20 ta' Frar 2015
• Remarks by Jeroen Dijsselbloem at the press conference following the Eurogroup meeting of 20 February 2015
• Ritratti u filmati tal-laqgħa tal-Grupp tal-Euro, 20 ta' Frar 2015

“Konklużjoni b’suċċess tal-eżami tippermetti l-iżborż tal-porzjon pendenti tal-programm attwali tal-EFSF", qal il-President tal-Grupp tal-Euro, Jeroen Dijsselbloem, fil-konferenza stampa wara l-laqgħa.  

Valutazzjoni pożittiva tal-pjanijiet ta’ riforma mill-istituzzjonijiet tippermetti lill-pajjiżi taż-żona tal-euro jilħqu deċiżjoni aħħarija dwar l-estensjoni sat-tmiem ta’ Frar.   

Id-diskussjonijiet saru fil-kuntest tal-iskadenza tal-assistenza finanzjarja attwali lill-Greċja fit-28 ta’ Frar.