- Grupp tal-Euro
Grupp tal-Euro, 09/03/2015, 9 ta' Marzu 2015
Riżultati ewlenin
Abbozzi ta' pjanijiet baġitarji
Il-Grupp tal-Euro ddiskuta informazzjoni aġġornata dwar l-abbozzi ta’ pjanijiet baġitarji. F'Diċembru li għadda l-abbozzi ta' pjanijiet baġitarji ta' 7 pajjiżi taż-żona tal-euro tqiesu li huma f’riskju ta’ nuqqas ta’ konformità mar-rekwiżiti tal-Patt ta' Stabbiltà u Tkabbir.
"Jien nilqa’ b’sodisfazzjon li għal darb’oħra l-istati membri kollha għamlu impenn sod li jagħmlu dak li huwa meħtieġ fl-2015 biex jirrispettaw bis-sħiħ il-Patt ta’ Stabbiltà u Tkabbir."
Il-President tal-Grupp tal-Euro Jeroen Dijsselbloem
Fid-dikjarazzjoni tiegħu, il-Grupp tal-Euro nnota li s-sitwazzjoni tjiebet fil-Belġju, Malta u l-Italja u sa ċertu punt fi Spanja u l-Portugall matul l-aħħar tliet xhur. Il-Grupp tal-Euro laqa’ l-impenn mill-Awstrija u Franza biex jieħdu l-miżuri meħtieġa biex tkun żgurata l-konformità mal-Patt.
Greċja
Il-Grupp tal-Euro ddiskuta r-rieżami attwali tal-impenji tal-Greċja skont l-arranġament eżistenti. Il-Ministri qablu li l-Greċja u l-Kummissjoni Ewropea, il-Bank Ċentrali Ewropew u l-Fond Monetarju Internazzjonali ser jibdew diskussjonijiet nhar l-Erbgħa (11 ta’ Marzu), fi Brussell.
Timijiet tekniċi mill-istituzzjonijiet ser jintlaqgħu f’Ateni biex jappoġġaw dan il-proċess.
Ċipru
Il-Grupp tal-Euro stieden lil dawk li jieħdu d-deċiżjonijiet f'Ċipru biex jimplimentaw qafas ta’ preklużjoni, li jgħin lill-banek ta' Ċipru biex inaddfu l-karti tal-bilanċ tagħhom u jtejbu s-self lill-ekonomija. Huwa wieħed mir-rekwiżiti li jerġa jqiegħed il-programm Ċiprijott fit-triq it-tajba.
Riforma tas-settur tas-servizzi
Il-Ministri ddiskutew ir-riforma tas-settur tas-servizzi fiż-żona tal-euro. Għadd ta’ ministri kkondividew l-esperjenzi nazzjonali tagħhom ta’ liberalizzazzjoni tas-settur tas-servizzi u t-titjib tal-effiċjenza tiegħu. Il-Grupp tal-Euro ser jerġa’ lura għal din id-diskussjoni fit-tieni parti sena.
Stqarrijiet għall-istampa
Tagħrif għall-istampa
Kuntatti għall-istampa
-
Johannes Kleis Spokesperson for Eurogroup President
- +32 478 83 26 64
- +32 2 281 75 32
Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.
Akkreditazzjoni u avvenimenti għall-istampa
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Kompli segwina
- Irreġistra għall-allerti bl-email tagħna biex tirċievi aġġornamenti dwar din il-laqgħa u laqgħat simili.
- Segwi @EUCouncilPressgħall-aħħar aġġornamenti għall-istampa.
- Hashtag fuq X: #EUROGROUP
Laqgħat oħra: Grupp tal-Euro
Laqgħat li seħħew
L-aħħar reviżjoni: 13 ta' Jannar 2025