"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Id-direttur taċ-Ċentru Ewropew għall-Kontroll tal-Mard (ECDC), Andrea Ammon, aġġorna lill-Grupp tal-Euro dwar is-sitwazzjoni epidemjoloġika tal-COVID-19. Il-ministri komplew il-ħidma b'diskussjoni dwar is-sitwazzjoni ekonomika u skambjaw fehmiet mal-president tal-kumitat tal-Parlament Ewropew għall-affarijiet ekonomiċi u monetarji, Irene Tinagli.
L-isforzi tagħna qed jikkontribwixxu għal prospetti mtejba ta' tkabbir taż-żona tal-euro li huma importanti għaċ-ċittadini tal-UE, l-impjiegi tagħhom u l-introjtu tagħhom. Id-deċiżjonijiet tal-Bank Ċentrali Ewropew, il-ħidma tal-Kummissjoni, flimkien mal-koordinazzjoni tal-Grupp tal-Euro, qed jagħmlu differenza fil-prospetti mtejba li l-istituzzjonijiet differenti tagħna issa qed jikkomunikaw.
Paschal Donohoe, President tal-Grupp tal-Euro
Żona tal-Euro: il-ġestjoni tal-impatt irregolari tal-COVID-19
Il-Grupp tal-Euro ddiskuta t-tagħlimiet meħuda mill-impatt irregolari tal-COVID-19 fis-setturi ekonomiċi u r-reġjuni kollha. Il-ministri ffokaw fuq l-implikazzjonijiet tal-pandemija fil-perjodu medju f'termini ta' azzjonijiet ta' politika meħtieġa biex jiġu evitati d-diverġenzi.
Id-diskussjoni kienet appoġġata minn nota mħejjija mill-Kummissjoni Ewropea dwar il-kwistjoni tal-konverġenza fiż-żona tal-euro.
Solvenza korporattiva u kapaċità ta' aġġustament fiż-żona tal-euro fil-perjodu ta' rkupru
Wara l-qbil tagħhom f'laqgħat preċedenti għall-monitoraġġ tas-solvenza u tal-ħtiġijiet għar-ristrutturar, il-ministri ddiskutew is-sitwazzjoni tas-solvenza tas-settur korporattiv u miżuri potenzjali biex jiffaċilitaw ir-ristrutturar korporattiv u l-aġġustament ekonomiku fiż-żona tal-euro fil-perjodu ta' rkupru ta' wara l-COVID.
Filwaqt li ninsabu f'punt ta' rkupru, nirrikonoxxu wkoll kemm jeħtieġ li jsir xogħol u l-ħidma li għandna quddiemna. Matul id-diskussjoni tagħna llum, aħna affermajna mill-ġdid li ser inkomplu nieħdu pożizzjoni ta' appoġġ biex ngħinu lill-ekonomiji tagħna jirkupraw, iżda ser nimxu minn approċċ aktar ġenerali għal wieħed aktar immirat.
Paschal Donohoe, President tal-Grupp tal-Euro
Affarijiet oħra
Il-Bank Ċentrali Ewropew (BĊE) informa lill-Grupp tal-Euro dwar id-deċiżjoni tal-Kunsill Governattiv tal-BĊE ta' Lulju 2021 li jniedi l-fażi ta' investigazzjoni tal-proġett tal-euro diġitali.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
L-isforzi tagħna qed jikkontribwixxu għal prospetti mtejba ta' tkabbir taż-żona tal-euro li huma importanti għaċ-ċittadini tal-UE, l-impjiegi tagħhom u l-introjtu tagħhom. Id-deċiżjonijiet tal-Bank Ċentrali Ewropew, il-ħidma tal-Kummissjoni, flimkien mal-koordinazzjoni tal-Grupp tal-Euro, qed jagħmlu differenza fil-prospetti mtejba li l-istituzzjonijiet differenti tagħna issa qed jikkomunikaw.
