"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-Grupp tal-Euro ddiskuta l-iżviluppi makroekonomiċi u fiskali fiż-żona tal-euro u eżamina kif jaħdmu l-mekkaniżmi ta' aġġustament. Il-ministri adottaw ukoll il-programm ta' ħidma tal-Grupp tal-Euro għat-tieni nofs tal-2021 u semgħu r-rapporti mill-presidenti tal-Bord Superviżorju tal-BĊE u tal-Bord Uniku ta' Riżoluzzjoni.
Skambju ta' fehmiet dwar l-iżviluppi makroekonomiċi u fiskali
Il-Grupp tal-Euro kellhom skambju ta' fehmiet mal-president tal-Kumitat ECON tal-Parlament Ewropew, is-Sa Irene Tinagli, dwar is-sitwazzjoni makroekonomika u fiskali fiż-żona tal-euro, abbażi wkoll tat-tbassir tar-rebbiegħa mill-Kummissjoni.
Nistgħu naraw li l-irkupru qed jikkonsolida ruħu. Iżda nafu wkoll li l-isfidi għadhom kbar, li r-riskju ta' riperkussjonijiet u ħsara minn din il-pandemija fis-soċjetajiet tagħna, għaċ-ċittadini tagħna u għall-karti bilanċjali ta' min iħaddem għadu reali.
Paschal Donohoe, President tal-Grupp tal-Euro
Dan l-iskambju ta' fehmiet hu parti minn djalogu li għaddej bil-għan li jsaħħaħ l-iskambju ta' informazzjoni bejn il-Parlament Ewropew u l-Grupp tal-Euro.
Punti ewlenin mil-laqgħa tal-Grupp tal-Euro tal-21 ta’ Mejju 2021, li saret fil-Portugall
Kif jaħdmu l-mekkaniżmi ta' aġġustament fiż-żona tal-euro - dak li ħareġ mill-pandemija tal-COVID-19
Il-ministri għall-finanzi ddiskutew kif jaħdmu l-mekkaniżmi ta' aġġustament fiż-żona tal-euro, billi kkonċentraw fuq il-pandemija tal-COVID-19.
F'Settembru 2017, il-Grupp tal-Euro qabel li juża r-reżiljenza ekonomika bħala qafas ġenerali għal diskussjonijiet tematiċi futuri dwar it-tkabbir u l-impjiegi. Bħala parti minn dan il-fluss ta' ħidma, il-ministri jħarsu lejn il-mekkaniżmi ta' aġġustament, li huma element importanti tar-reżiljenza ekonomika fiż-żona tal-euro.
Ser nippjanaw għal politika fiskali li tikseb bilanċ tajjeb bejn li nkomplu nappoġġaw lil min iħaddem u liċ-ċittadini tagħna lejn irkupru sostenibbli, iżda wkoll li nagħmlu dan b'mod sostenibbli u mmirat.
Paschal Donohoe, President tal-Grupp tal-Euro
Rappurtar dwar aspetti operazzjonali tal-unjoni bankarja
It-13-il seduta ta' smigħ tal-president tal-Bord Superviżorju
Il-president tal-Bord Superviżorju tal-Bank Ċentrali Ewropew, is-Sur Andrea Enria, għarraf lill-Grupp tal-Euro dwar ix-xogħol superviżorju li sar mill-aħħar rapport 'l hawn. Il-president iffoka fuq ir-riskji tal-kreditu u tal-klima, u l-Brexit.
Skambju regolari ta' fehmiet bejn il-Grupp tal-Euro u l-president tal-Bord Superviżorju tal-BĊE huwa previst fir-regolament (1024/2013) tal-Mekkaniżmu Superviżorju Uniku (MSU) kif ukoll fil-memorandum ta' qbil bejn il-Kunsill tal-Unjoni Ewropea u l-BĊE dwar il-kooperazzjoni fuq proċeduri marbutin mal-MSU.
Rappurtar dwar l-aħħar attivitajiet tal-Bord Uniku ta' Riżoluzzjoni
Il-president tal-Bord Uniku ta' Riżoluzzjoni (SRB), is-Sa Elke König, aġġornat lill-Grupp tal-Euro dwar l-aħħar attivitajiet li saru mill-Bord, billi tikkonċentra partikolarment fuq il-progress li sar fuq ir-riżolvibbiltà, ir-rekwiżiti minimi għal fondi proprji u obbligazzjonijiet eliġibbli u l-bini tal-Fond Uniku ta' Riżoluzzjoni.
Din hija preżentazzjoni regolari, li ssir darbtejn fis-sena b'mod parallel mas-smigħ tal-president tal-Bord Superviżorju tal-BĊE.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Nistgħu naraw li l-irkupru qed jikkonsolida ruħu. Iżda nafu wkoll li l-isfidi għadhom kbar, li r-riskju ta' riperkussjonijiet u ħsara minn din il-pandemija fis-soċjetajiet tagħna, għaċ-ċittadini tagħna u għall-karti bilanċjali ta' min iħaddem għadu reali.
