"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Il-Grupp tal-Euro ddiskuta l-iżviluppi makroekonomiċi, inkluż l-inflazzjoni, u l-prospetti ta' politika fiż-żona tal-euro. Il-ministri evalwaw u kellhom skambju ta' fehmiet dwar il-prezzijiet tal-enerġija u l-iżviluppi tal-inflazzjoni fiż-żona tal-euro qabel il-previżjoni tal-ħarifa tal-Kummissjoni.
Hekk kif l-attività tirkupra u jingrana l-irkupru madwar l-ekonomiji avvanzati, l-ostakli li qed nesperjenzaw f'xi setturi tal-ekonomiji tagħna qed jikkontribwixxu għal żieda qawwija f'daqqa fl-inflazzjoni. Filwaqt li ż-żieda fil-prezzijiet hija dovuta l-aktar għal fatturi temporanji, huma ftit aktar persistenti milli mistenni iżda huma mistennija li jispiċċaw fix-xejn matul l-2022.
Paschal Donohoe, President tal-Grupp tal-Euro
Punti ewlenin mil-laqgħa tal-Grupp tal-Euro tat-8 ta' Novembru 2021 li saret fi Brussell
Euro diġitali
Il-Grupp tal-Euro ddiskuta l-objettivi ta' politika u l-użi tal-euro diġitali fil-kuntest tal-pass mgħaġġel tad-diġitalizzazzjoni fl-ekonomija globali, u l-impatt tagħha fuq iż-żona tal-euro u l-munita komuni, u evalwa l-inizjattivi u l-iżviluppi relatati fil-livell internazzjonali.
Hekk kif il-konsumaturi u d-ditti jirrikorru dejjem aktar għal pagamenti elettroniċi, irridu niżguraw li ċ-ċittadini tagħna u l-atturi kollha fl-ekonomija tagħna jkomplu jkollhom aċċess għall-flus pubbliċi f'firxa ta’ xenarji. Pereżempju, euro diġitali tista' toffri soluzzjoni Ewropea f'kuntest ta' domanda akbar għal mezzi alternattivi ta' pagamenti.
Paschal Donohoe, President tal-Grupp tal-Euro
Il-president tal-Grupp tal-Euro informa lill-ministri dwar il-laqgħat internazzjonali li attenda f'Ottubru (laqgħat annwali tal-G7 u tal-Bank Dinji u tal-FMI).
Format inklużiv
Rieżami tal-governanza ekonomika
Il-Kummissjoni ppreżentat ir-rieżami tal-governanza ekonomika li tnieda mill-ġdid, b'fokus fuq id-dimensjoni taż-żona tal-euro. Il-ministri ddiskutew il-proċess li permezz tiegħu l-laqgħat tal-Grupp tal-Euro (u l-Grupp tal-Euro fil-format inklużiv għall-punti rilevanti) ser jikkunsidraw ir-rieżami tal-governanza, u kellhom diskussjoni inizjali dwar kif il-Grupp tal-Euro jista' jindirizza l-isfidi għall-koordinazzjoni tal-politiki fiskali u ekonomiċi fiż-żona tal-euro u għall-funzjonament tal-UEM f'ambjent ekonomiku post-COVID.
Ilkoll qbilna dwar l-importanza ta' qafas effettiv ta' governanza ekonomika u dwar il-ħtieġa għal diskussjoni dwar kwistjonijiet ġenerali, inkluż is-sjieda nazzjonali, is-simplifikazzjoni u l-infurzar. B'mod ġenerali, l-isforzi tagħna ser jittrattaw kif nistgħu nilħqu bilanċ bejn it-trawwim ta' investimenti li jiffavorixxu t-tkabbir u l-iżgurar tas-sostenibbiltà fiskali.
Paschal Donohoe, President tal-Grupp tal-Euro
Aġġornamenti b'rabta mal-unjoni bankarja u l-Fond Uniku ta' Riżoluzzjoni
Il-Grupp tal-Euro ġie infurmat mill-istituzzjonijiet rigward ir-riżultati ewlenin tar-rapport ta' monitoraġġ biannwali dwar l-indikaturi tat-tnaqqis tar-riskju. Il-ministri evalwaw ukoll it-tħejjijiet għall-introduzzjoni tal-garanzija ta' kontinġenza komuni għall-Fond Uniku ta' Riżoluzzjoni, kif maqbul f'Novembru 2020.
Tlestiet il-ħidma teknika biex tiġi introdotta l-garanzija ta' kontinġenza komuni għall-Fond Uniku ta' Riżoluzzjoni. Hekk kif l-istati membri kollha jkunu ffinalizzaw ir-ratifika tat-Trattat dwar il-MES u l-Ftehim Emendatorju għall-Ftehim Intergovernattiv, aħna nieħdu l-aħħar pass proċedurali biex nistabbilixxu l-garanzija ta' kontinġenza fil-bidu tal-2022.
Paschal Donohoe, President tal-Grupp tal-Euro
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Hekk kif il-konsumaturi u d-ditti jirrikorru dejjem aktar għal pagamenti elettroniċi, irridu niżguraw li ċ-ċittadini tagħna u l-atturi kollha fl-ekonomija tagħna jkomplu jkollhom aċċess għall-flus pubbliċi f'firxa ta’ xenarji. Pereżempju, euro diġitali tista' toffri soluzzjoni Ewropea f'kuntest ta' domanda akbar għal mezzi alternattivi ta' pagamenti.
